Izindaba

Idlanzana labantu lidutshulwe eKenya, abanye bashona, ngesikhathi abezokuphepha bebhekene nababhikishi ezweni lonke bebhikishela izindleko eziphakeme zokuphila kanye nokunyuswa kwentela, ngoLwesithathu. 

Inkampani ephehla ugesi u-Eskom ithi isebenzisana noMnyango Wezogesi kanye nezinye izinhlaka ezithintekayo ukuvikela ugesi kazwelonke.

Ukuhlasela kweRussia ngezomoya ezindaweni zamachweba e-Ukraine ziqhubekile ngoLwesine, ngokusho kweziphathimandla zendawo, ngemuva kokuthi iMoscow ixwayise ngokuthi imikhumbi elibangise emachwebeni eBlack Sea e-Ukraine ingase ibhekwe njengezinto ezifanelwe ukuhlaselwa.

INkantolo Ephakeme yaseGhana ngoLwesithathu iyichithile inselelo yezomthetho ebifuna ukuvimba iphalamende ukuthi liphasise umthethosivivinywa oqinile omelene nabathandana nobulili obufanayo (LGBT), nokuvula indlela yokuthi ugunyazwe.

Inkatha Freedom Party KwaZulu-Natal izwakalisa ukubonga okukhulu kubavoti abaphume ngobuningi basiza leli qembu ekutheni linqobe okhethweni lokuchibiyela obeluyizolo ngoLwesithathu kuWadi 6 kuMasipala waseMthonjaneni nakuWadi 2 kuMasipala waseNkandla.

UMengameli uCyril Ramaphosa uthe bekubalulekile ukuthi abaholi base-Afrika bathathe izinyathelo zokulamula impi ese-Ukraine.

Isigameko sokushona kosana enkulisa iZwelisha eNanda ngoLwesibili sithukuthelise iziphathimandla zoMnyango Wezokuthuthukiswa Komphakathi KwaZulu-Natal eseziphakamise ukuba kuphenywe ngokuthi lokhu kwenzeke kanjani.

Isikhungo sezilinganiso zomnotho emazweni iFitch siqagula ukuthi ngeke kube khona ukukhula komkhiqizo wasekhaya (iGrowth Domestic Product) kuleli nonyaka ngenxa yenkinga kagesi.

Uphinde wakhala ngaphansi emizamweni yakhe yokuphonsela inselelo isinqumo seNkantolo eNkulu yaseFree State uNandipha Magudumana. Ubefake isicelo esiphikisana nokuthi wazivumela ukubuyela eNingizimu Afrika esuka eTanzania. 

Umholi weqembu eliphikisayo eZimbabwe, uMnu uNelson Chamisa, uthe iqembu lakhe lithwale kanzima ukuthi liqalise umkhankaso walo wokhetho ngoba amaphoyisa abevimba imibuthano yamaqembu aphikisayo.

Selokhu kujutshwe abombutho wezokuvikela iSouth African National Defence Force (SANDF) ezifundazweni ezine ezibe neziqubu zokungqongqiswa kwamaloli emasontweni edlule, azikho izehlakalo zakamuva ezibikiwe kuze kube yimanje.

Inhlangano yababaleki i-United Nations High Commissioner for Refugees (UNHCR) ngoLwesithathu ithe ikhathazekile ngemibiko yaseGhana yokuthi amakhulu ezakhamuzi ezibalekela udlame lwaseBurkina Faso abuyiselwa emuva.

UNgqongqoshe Wezezimali u-Enoch Godongwana, oWezohwebo Nezimboni u-Ebrahim Patel noseHhovisi likaMengameli uKhumbudzo Ntshavheni bayingxenye yethimba likahulumeni eliphezulu eliseWashington ukuze lixoxisane nababambiqhaza ekuqinisweni kwezohwebo phakathi kwelakuleli neMelika.

UNgqongqoshe wamaBhizinisi kaHulumeni uMnu uPravin Gordhan usememezele amalungu amasha eBhodi laBaqondisi bakwaTransnet. Bahlanganisa uchwepheshe wezokuthenga uLebogang Letsoalo, isikhulu sezolwandle uMartin Debel.

AmaHawks e-Eastern Cape afuna noma ngubani ongaba nolwazi mayelana nokuthi ukuphi umlisa oneminyaka engama-31 ubudala owavulela uMehluleli Omkhulu uRaymond Zondo kanye noNdunankulu wase-Eastern Cape u-Oscar Mabuyane amacala okuqamba amanga.

Isongeke embhedeni wesibhedlela esifundeni sase-Ethiopia esisenyakatho i-Tigray, intombazanyana encane ngomzimba idonsa kanzima ukuphefumula, njengoba uyise ephulula ubuso bayo obulimele futhi umama wayo ehlezi eceleni kwayo ekhala.

ICommunication Workers Union (CWU) ithi ibhodi leSABC lizibophezele ekuqinisekiseni ukwenza umhlangano ukuze linikeze imininingwane ngezinkinga zezimali ezikhungethe le nhlangano yezokusakaza.