UMkhonto uhlukene phakathi ePhalamende ngoMakhubele
I-MK Party ePhalamende likazwelonke ithi ihlukene phakathi njengoba amanye amalungu ePhalamende ebhalele umengameli weqembu ethi makaxoshwe uSotswebhu uColleen Makhubele.
Bamsola ngokuthatha izinqumo ngayedwana futhi nezingahambisani nentando yeningi, ikakhulukazi odabeni lwakwa Israeli.
Encwadini, amanye amalungu ePhalamende aphinde asole uMakhubele ngokudala ukuthi ikhokhasi ibe sesimweni sokungasebenzi. Bafuna asuswe esikhundleni ngemuva kokuthi yena nomholi wekhokhasi uDkt John Hlophe, bakhipha uNhlamulo Ndhlela kwesikaSotswebhu weqembu.
UDokotela uHlophe uphinde wabhalela uMengameli weqembu, umnu Jacob Zuma, ekhala ngokuziphatha kukaNdhlela noDuduzile Zuma-Sambudla, athena kuyamphazamisa futhi kunokungalihloniphi igunya likaSotswebhu nomholi wekhokhasi.