UNgqongqoshe uLamola uzohola ithimba longqongqoshe elizohlangana nabaseMozambique
UNgqongqoshe wezoBudlelwane baMazwe ngamazwe kanye nokuBambisana uRonald Lamola uzohola ithimba longqongqoshe baseNingizimu Afrika elizohlangana nozakwabo baseMozambique namuhla eMpumalanga. Lokhu kuza njengoba izwe elingumakhelwane libhekene nenkinga yezepolitiki kulandela ukhetho lwangomhla ziyi-9 kuMfumfu.
ULamola uzobe ehambisana nozakwabo abavela kwezokuVikela, ezoHwebo, izimboni nemiqhudelwano, amaphoyisa, ezokuthutha nezasekhaya. Ithimba laseMozambique lizobe liholwa nguNgqongqoshe Wezangaphandle uVeronica Dhlovo.
Iyakhula ingcindezi eMozambique njengoba izinsuku ziya ngokuphela ukuze uMkhandlu Womthethosisekelo wenze isimemezelo ngokhetho lwangomhla ziyi-9 kuMfumfu. Lomhlangano kuhloswe ngawo ukuxoxisana mayelana nalokuntengantenga kwezombusazwe okukhona eMaputo njengamanje.
Muva nje, ngesikhathi kuvakasha kukaMongameli wase-Angola u-Joao Lourenco loludaba nalo lwaba seqhulwini ku-ajenda.
