UPutin uyipheka ngomhluzi wenye empini eqhubeka e-Ukraine
Umnyango Wezokuvikela eRussia ngeSonto uthe amasosha awo athathe indawo eyengeziwe eBakhmut njengoba beqhubeka nenhloso yalelizwe yokuthatha iDolobha ngokugcwele.
Impi yeBakhmut isiphenduke enye yempi yezinyanga ezili-14 eyachitha igazi elikhulu kunazo zonke, lelidolobha eliseMpumalanga ye-Ukraine licishe labhujiswa ngokuphelele ngamabhomu ezikhali kanye nokulwa kwasemadolobheni.
IRussia ithi ukuthumba iBakhmut kuzoyivumela ukuthi iqhubeke nokuhlasela empumalanga ye-Ukraine. Uma ephumelela, amabutho aseMoscow cishe azobhekana nezimpi zasemadolobheni ezinkulu nakakhulu emadolobheni aseduze aseKramatorsk naseSloviansk. UMnyango Wezokuvikela eRussia ngeSonto uthe amasosha avikele amanye amabhlokhi amabili ezifundeni ezisentshonalanga yeBakhmut nokuthi amayunithi asemoyeni ahlinzeka ngokuqinisa enyakatho naseningizimu.
UYevgeny Prigozhin, inhloko yebutho elizimele leWagner elihola ukuhlaselwa kwedolobha, uthe amasosha akhe alawula ama-80% weBakhmut. IKyiv iziphikile kaningi izimangalo zokuthi amabutho ayo asekulungele ukuhoxa. IReuters ayikwazanga ukuqinisekisa imibiko yenkundla yempi.
Futhi ngeSonto, inhloko efakwe iRussia esifundeni saseKherson eseningizimu ye-Ukraine iphikile umbiko wenhlangano yaseMelika yokuthi amasosha ase-Ukraine athathe izindawo ngasosebeni olusempumalanga lomfula iDnipro.
“Ayikho indawo yesitha ogwini lwesobunxele (empumalanga) lomfula iDnipro amasosha ethu alawula leyo ndawo ngokuphelele,” kubhala uVladimir Saldo esiteshini sakhe seTelegram.
“Kungase kube nezigameko zamaqembu ezitha afika kulendawo azishuthe, ngaphambi kokucekelwa phansi noma ukuphonswa emanzini yibutho lethu.”
Icaphuna amablogger amasosha aseRussia ahlanganiswe namabutho aseMoscow, i-Institute for the Study of War ithe i-Ukraine “isithathe indawo” ongqenqemeni lomfula elisempumalanga, yize bekungacaci ukuthi “ngasiphi isikali noma ngaziphi izinhloso”.
Umkhulumeli womyalo oseningizimu ye-Ukraine akawuqinisekisanga futhi akawuphikanga lo mbiko futhi wacela “ukuthula ngemininingwane” ukuze kuqinisekiswe ukuphepha kokusebenza. “Ngifuna wonke umuntu aqonde ukuthi kuwumsebenzi onzima kakhulu ukuwela isithiyo esifana neDnipro, isibonelo – lapho umugqa ongaphambili uhamba nomfula obanzi, onamandla,” kusho uNatalia Humeniuk etshela umabonakude wase-Ukraine. “Kubalulekile ukuqoqa isineke,” engeza.
IRussia ihoxise amabutho ayo osebeni olusentshonalanga lomfula ngonyaka odlule njengengxenye yochungechunge lokuhoxiswa kwamabutho ngaleso sikhathi okwakubonisa ukushintsha komfutho wokungqubuzana ovune iKyiv.