UNdunankulu waseBangladesh usola aphikisayo ngodlame
UNdunankulu waseBangladesh uSheikh Hasina usole abaphikisi bakhe bezepolitiki ngodlame olubulalayo oluhlasele izwe ngesikhathi semibhikisho yakamuva eholwa ngabafundi ephikisana nenani lemisebenzi kaHulumeni, wathi ngoMsombuluko kuzosuswa isikhathi semvalelwekhaya(curfew) lapho isimo siba ngcono.
Ukuphawula kwakhe kuza ngemuva kosuku iNkantolo Ephakeme yezwe eliseNingizimu ne-Asia ivumile ukuhoxiswa kwamanani amaningi esinqumweni sangeSonto, kulandela izinsuku zokungqubuzana phakathi kwababhikishi nabezokuphepha okwenze uHulumeni wavala izinsiza ze-inthanethi, wabeka isikhathi semvalelwekhaya futhi wathumela amasosha.
Imininingwane yasezibhedlela ikhombisa ukuthi bayi-147 abantu abashonile kwesinye sezigameko ezimbi kakhulu zokuqubuka kodlame kule minyaka edlule. UHasina, oneminyaka engama-76, wawina ihlandla lesine ngokuqondile ngoMasingana okhethweni lukazwelonke olwadubwa iqembu elikhulu eliphikisayo.
“Ngesikhathi kuqala ukubhikisha kokushiswa kwezinto, abafundi ababhikishayo bathi bebengabandakanyeki kukho,” kusho uHasina ekhuluma nabaholi bamabhizinisi enhlokodolobha iDhaka, okube ngukuphawula kwakhe kokuqala selokhu uhulumeni wakhe eyalele isikhathi semvalelwekhaya ekhaya ngoLwesihlanu.
“Siphoqeleka ukuthi sibeke umthetho wemvalelwekhaya ukuze sivikele izimpilo nempahla yezakhamizi. Angikaze ngiyifune,” kusho yena. “Sizowususa lo mthetho wemvalelwekhaya noma nini lapho isimo siba ngcono.”
UHasina usole iqembu eliphikisayo elikhulu iBangladesh Nationalist Party kanye neJamaat-e-Islam kanye nophiko lwayo lwabafundi ngodlame oluqale ngesonto eledlule.
Amaqembu awazange aphendule ngokushesha izicelo zokuthi aphawule kodwa abagxeki, okuhlanganisa neBNP, bake basola uHasina ngobushiqela, ukwephulwa kwamalungelo amacala uhulumeni wakhe awaphikayo.
