Ezakamuva
Emuva kwemibiko engakaqinisekiswa nokho ebikhomba umsanka ohlakeni loBukhosi i-INgonyama Trust Board (ITB), ISILO sesijube ukuba loyo oyisandla sokuphosa saso kuleli bhodi uMehluleli uJerome Ngwenya abikele isizwe ngokwenzakalayo.
Kumisiwe ukufunda eNyuvesi iZululand, emva kokuthi kusabalale izindaba zokuthi abafundi bakuleNyuvesi bahlaselwe ngabaphangi akade behlome bezingovolo.
UHulumeni ugweme inhlekelele ngokuvumela ukuqala phansi izingxoxo nenyunyana iNational Education Health and Allied Workers Union (Nehawu) emuva kwesiteleka sabasebenzi bakahulumeni esidonse amasonto amabili.
Iphalamende elisha laseTunisia lihlale okokuqala ngqa ngoMsombuluko kodwa umfelandawonye uthe angeke balibone ukuba semthethweni kwawo ngemuva kokhetho olunamaphesenti ali-11 nje kuphela.
UMengameli waseChina uXi Jinping uhlela ukuvakashela eRussia maduze-nje ngesonto elizayo, kusho abantu abajwayelene nalolu daba ngoMsombuluko, kanti iMoscow neKyiv bobabili babike ukulwa okushubile empini eyachitha igazi eliningi esedolobheni elisempumalanga iBakhmut.
Kubukeka kungongaphansi nongaphezulu phakathi kwenyunyana yabasebenzi bakahulumeni iNational Education Health and Allied Workers Union (Nehawu) noMnyango Wezempilo kuZwelonke njengoba ingekho evuma ukugoba uphondo kubona.
Amavukelambuso e-M23 eDemocratic Republic of Congo asememezele ukuthi azobeka phansi izikhali empini edonse iminyaka empumalanga yezwe. Lokhu kulandela ukuxoxisana okuholwa nguMengameli wase-Angola uJoão Lourenço, ophinde abe yingqwele ye-African Union yokuthula nokubuyisana.
Inyunyana yabasebenzi yaseTunisia enamandla i-UGTT ihlangane enhlokodolobha ngoMgqibelo, yahlanganisa izinkulungwane zabasekeli ngokumelene noMengameli uKais Saied ukukhombisa amandla ayo ngemuva kokucindezela kwakhe abaphikisi kwakamuva.
Ongenele ukhetho lukamongameli waseNigeria u-Atiku Abubakar ngoMsombuluko uhole amakhulu abalandeli embhikishweni onokuthula mayelana nekhomishana yokhetho esingethe amavoti angenyanga edlule ikhomishana ethi anqotshwe yilowo obengenele iqembu elibusayo uBola Tinubu.
Naphezu kwezikhalo eziqhamuka nxa zonke ngesimo seziguli ezibhedlela zakuleli kusukela kuqale isiteleka sabasebenzi bakahulumeni abangaphansi kwenyunyana iNehawu, le nyunyana ithi lingawa licoshwe izinkukhu angeke bahlehle.
Emuva kokwesula eMkhandlwini iTheku kulandela ukususwa esikhundleni sokuba yiPhini leMeya kuningi ukuqagula ngokuthi umholi we-Abantu Batho Congress (ABC), uMnu uPhilani Mavundla iyiphi indlela angayithatha kwezepolitiki.
IChina ayizange iqhubeke nokuhlinzeka ngosizo lwezikhali oluzosiza iRussia ekuhlaseleni kwayo i-Ukraine kanti i-United States ikubeke kwacaca ukuthi uma ishintsha kulokho kuzoba nemiphumela emibi, kusho umeluleki wezokuphepha kuzwelonke eWhite House uJake Sullivan ngeSonto.
Ikhomishana yokhetho yaseNigeria ngoLwesithathu imemezele uBola Tinubu njengomengameli ngemuva kokhetho lwangempelasonto obelunezigigaba eziningi, emcimbini obuchithiwe amaqembu amabili aphikisayo.
ITurkey isibophe abantu abayi-184 abasolwa ngokuwa kwezakhiwo ekuzamazameni komhlaba kwale nyanga kanti nophenyo luyakhula, kusho ungqongqoshe, njengoba intukuthelo ivutha bhe ngalokho abaningi abakubona njengenkohlakalo yokwakha.
Enye yezinsika ezibaluleke kakhulu zokwelapha umlando wengcindezelo yezomnotho kwaboHlanga emakhulwini eminyaka eyedlule ukuhlinzeka ngezinhlelo zomnotho ekuhloswe ngazo ukulungisa isimo kubagilwa.
Kulindeleke ukuthi liqhubeke nokuba phezulu izinga lo mqhudelwano wokusubatha iPrince Mangosuthu Ultra Marathon. Ilinganiselwa kwizinkulungwane ezingaphezulu kwezingama-R700 imali ezonqotshwa ilabo abazobe beyingxenye yawo.
AmaProteas avale usuku lokuqala evunwa yizinto emdlalweni wokuqala kwemibili yochungechunge yosuku olulodwa phakathi kwelakuleli neWest Indies eSuperSport Park, ePitoli.
Ngesikhathi izwe lisenkingeni yagesi eya ngokushuba uMengameli uCyril Ramaphosa usephike wema ngentaba ukuthi ukuhlinzeka ngogesi kungumsebenzi waHulumeni kaZwelonke. Lokhu ukusho ngesikhathi efaka amaphepha okuphendula enkantolo, lapho abamangali abali-19 okubandakanya namaqembu aphikisayo embale noHulumeni kaZwelonke njengabafanele ukuphendula.
Onethemba lokuba ngumengameli waseNigeria, u-Atiku Abubakar, uthe uzoletha ukuthula nobumbano ezweni futhi athuthukise ingcebo yezomnotho njengoba ebeqeda uhambo lokukhankasa kwakhe.
Amasosha ase-Ukraine alwela ukubamba ukuhlasela kweRussia edolobheni elincane elisempumalanga iBakhmut acele izikhali ezengeziwe emazweni angaphandle, njengoba abaholi baseNtshonalanga behlangene eMunich ukuzohlola lempi esithathe unyaka wonke enyakazisa umhlaba wonke.
IRandi livuleke ngamandla ngo-R18.03/US$ uma liqhathaniswa nedola laseMelika, uma liqhathaniswa nezinga lokuvulwa kwangoLwesihlanu olwedlule lika-18.22. IRandi livuleke ngamandla ngo-R21.72/UK£ uma liqhathaniswa ne-UK Pound Sterling, iGreat Britain Pound (GBP), uma kuqhathaniswa nezinga lokuvulwa kwangoLwesihlanu olwedlule elingu-21.76.
UMengameli uCyril Ramaphosa (osesithombeni) usethule umyalezo oqinile ngokokuqala ngqa ngesimo esikhona empumalanga yeDemocratic Republic of Congo.
Isabelomali sifika ngesikhathi elakuleli ligubuzelwe zinkinga ezahlukene. Yize kungekho okutheni okungenziwa kepha kunethemba lokuthi uGodongwane uzoyikhipha odakeni.
Ongqongqoshe bezangaphandle baseBurkina Faso, Guinea naseMali, bonke ababuswa yizikhulu zamasosha baphakamise ubudlelwano besifunda ukuze kube lula ukuhweba kanye nokubhekana nokungavikeleki esifundeni. Lokhu bakuveze esitatimendeni esihlanganyelwe ngesonto eledlule.
