Now Reading
ISILO sithi akuchazelwe isizwe ngezimali ze-Ingonyama Trust Board
Dark Light

ISILO sithi akuchazelwe isizwe ngezimali ze-Ingonyama Trust Board

Emuva kwemibiko engakaqinisekiswa nokho ebikhomba umsanka ohlakeni loBukhosi iNgonyama Trust Board (ITB), ISILO sesijube ukuba loyo oyisandla sokuphosa saso kuleli Bhodi uMehluleli uJerome Ngwenya abikele isizwe ngokwenzakalayo.

Lokhu kulandela umhlangano obuphakathi kweSILO noMtimande nayilapho ISILO sethulelwe khona umbiko ngezimali zalenhlangano kanjalo nezinhlelo zayo. 

Ngokwesitatimende esikhishwe yiHhovisi leSILO, INgonyama inike uMehluleli uNgwenya izinsuku eziyisikhombisa ukuba enze umbiko kulezi zinhlaka ezilandelayo:

  • Ihhovisi likaNdunankulu kaZulu, uMntwana waKwaPhindangene,
  • UBuholi beNdlu yoBuholi boMdabu KwaZulu-Natal,
  • Isigungu Sokuphatha saKwaZulu-Natal ngaphansi koBuholi bukaNdunankulu uMaDube-Ncube,
  • ISishayamthetho saKwaZulu-Natal ngaphansi kukaSomlomo kanye, 
  • NabeZindaba ngaphansi kweSANEF.

ISILO sibuye sathi uMehluleli akenze umbiko ofanayo nakuZulu wonkana esebenzisa amaphephandaba esiZulu, amaziko abezindaba zomphakathi nomsakazo uKhozi FM.

See Also

Ngokomthetho wesifundazwe Ingonyama Trust Act, (Act No 3KZ of 1994) INgonyama kaZulu yiyona yodwa eyisethenjwa (Trustee) se-INgonyama Trust. Umsebenzi we-INgonyama Trust ukubhekelela umhlaba egameni lesizwe. Umsebenzi wansuku zonke we-Trust wenziwa yiBhodi elakhiwe kulandelwa u-Schedule 3A Public Entity ngokoMthetho Wokuphathwa Kwezimali Zomphakathi (PFMA). IBhodi liphethe izindaba zansuku zonke zokusebenza kwe-Trust liholwa nguSihlalo uMehluleli uJerome Ngwenya.

Scroll To Top