Ezakamuva
Kube nokushuba kwesimo enhlokodolobha yaseHaiti, iPort-au-Prince ngoMsombuluko, njengoba izinkulungwane zababhikishi zingena emigwaqweni zikhuluma ngodlame lwamaqembu ezigelekeqe ezweni, oluholele ekutheni ngeledlule kushone iphoyisa.
Ukukhula kwezitolo zasemalokishini ezaziwa ngama-spaza kuzo zonke izigodi nasemalokishini sekuqala ukuqashelwa abakhiqizi abakhulu bezimpahla ezithengwayo. Le makethe engakahleleki isize imikhiqizo eminingi ebingaziwa phambilini ukuthi ithole isabelo semakethe emalokishini.
Owayeyimeneja yophenyo lobunhloli kwa-Eskom uNkk uDorothy Mmushi usole inkampani ngokwehluleka ukumvikela nokumeseka ngemuva kwezinsolo zokuthi wasatshiswa ngokubulawa okusolwa ukuthi kwenziwa izinkabi. UMmushi oseshiyile kule nkampani, uveze lukhulu mayelana nezinsolo ezidlangile zenkohlakalo elahlekise lenkampani izigidi zamarandi.
Emuva kwezikhalo eziningi ngokuthi isikhwama esixhasa abafundi ezikhungweni zemfundo ephakeme iNational Student Financial Aid Scheme (NSFAS) sikhetha iphela emasini ababhekelele lesi sikhwama bazithethelela ngokuthi kunezinkulungwane zabafundi abafaka izicelo bahlomula ngokungemthetho.
Ezifundazweni ezi-9 eNingizimu Afrika iKwaZulu-Natal idume ngokuhamba phambili ngezivakashi zakuleli neziphuma emazweni angaphandle. Ukunona kwelikaMthaniya ngomlando ohlanganisa nokubumbeka kwesizwe samaZulu, nokuba yisona kuphela isifundazwe esineNgonyama ngenye yezinto eziheha abavakashi.
Umphakathi waseNtembeni ngaphansi kukaMasipala waseMthonjaneni uthi awuyivimbi intuthutho kodwa ufuna kube nesiqinisekiso sokuthi bona nezizukulwane zabo bazohlomula ngokuba khona kwemayini endaweni yabo.
Bangaphezu kwamashumi ayisikhombisa abantu abadala abasebenzayo nabenza amaphesenti ayishumi kuphela emali okushintshwana ngayo ezweni lonke. Lokhu kungokocwaningo olwenziwe yi-Bureau of Market Research ngezilinganiso zeholo lomuntu.
Lowo ozibize njengomholi omusha waseNiger ngoLwesithathu uthe izikhulu ngeke zithobele ingcindezi yokuthi abuyisele uMengameli owaketulwa uMohamed Bazoum, eqinisa ukungezwani ne-bloc yaseNtshonalanga Afrika esesabise ngokungenelela ngemuva kokuketulwa kombuso ngesonto eledlule.
Liqophe umlando iqembu lakuleli lebhola likanobhutshuzwayo iBanyana Banyana, inqoba okokuqala ngqa kumqhudelwano weNdebe YoMhlaba ukunqoba kwalo kwenze lazibekisela kweyomkhumulajezi.
UHulumeni waseKenya kanye nabaphikisayo bazosungula ithimba elihlose ukuxazulula ukungezwani. Lokhu kudalulwe osopolitiki abakhulu bezinhlangothi zombili ngemuva kochungechunge lwemibhikisho yamaqembu aphikisayo mayelana nezindleko zokuphila nokunyuswa kwentela.
Umpetha omusha weKwaZulu-Natal Junior Bantamweight uNkosingiphile Sibisi, ubonga uNkulunkulu ngomndeni wakaDladla owamthatha wamufukamela engathi uzalwa iwona.
ISouth African Medical Research Council ithi iyakweseka ukuphasiswa komthethosivivinywa iTobacco Products and Electronic Delivery Systems Control Bill ube umthetho.
Phambilini, uMengameli uCyril Ramaphosa, obehambele le ngqungquthela, uthe iNingizimu Afrika iyakuthokozela ukwesekwa kukaPutin engqungqutheleni yeBRICS ezoba kuleli.
Basebenzise umjaho wokugijima ukuxwayisa abantu ukugwema ukwakha ezindaweni ezihlaselwa kalula izikhukhula. Lokhu kwenziwe iJoseph Bhekizizwe Shabalala Foundation ibambisene nabakwaRed Cross abahlele i5km Fun Run esukele kwaMax Lifestyle kwaV eMlazi yaphelela eHostela eTehuis ngoMgqibelo ekuseni.
INigeria iphakathi kwamazwe alinganiselwa kuma-50 ahambele iRussia-Africa Summit eSt. Petersburg. IPhini likaMengameli wezwe uKashim Shettima uzobe emele uMengameli uBola Tinubu engqungqutheleni. UShettima uzobhekisa amabombo eSt. Petersburg esuka eRome lapho ehambele khona i-UN Food Summit.
Ezinye izakhamuzi zaseZimbabwe ezihlala futhi zihweba eNingizimu Afrika seziveze ukuthi zizimisele ukubuyela ezweni lazo ukuyobamba iqhaza ekuthuthukiseni umnotho kanye nokuvota kukhetho oluzayo.
UNobhala waseMelika u-Antony Blinken uxwayise "ngokuziphatha okuyinkinga" kweChina ngesikhathi evakashele esiqhingini sasePacific iTonga ngoLwesithathu, ephawula ngokuhloma kweChina eSouth China Sea nalokho akubiza ngokuthi ukucindezela kwezomnotho.
Lishone elayizolo esezinikele emaphoyiseni uMolemo Maarohanyane owaziwa ngelika “Jub Jub” kwezikaqedisizungu owazakhela igama ngokuba ngumculi weHip Hợp eminyakeni edlule.
Kuqhume amakhwelo nemikikizo kubantu baseMsinga ngesikhathi iqembu lakhona uMsinga United ogijima ku-ABC Motsepe League esifundazweni iKwaZulu-Natal uphuma phambili kwelinye lamacala obubhekene nalo okuwukuqhunyiswa kwezibhamu enkundleni.
UNdunankulu wase-Italy u-Giorgia Meloni uthe ukuhamba ngokungemthetho kwabafuduki kulimaza wonke amazwe ngaphesheya kweMedithera.
Idlanzana labantu lidutshulwe eKenya, abanye bashona, ngesikhathi abezokuphepha bebhekene nababhikishi ezweni lonke bebhikishela izindleko eziphakeme zokuphila kanye nokunyuswa kwentela, ngoLwesithathu.
Inkampani ephehla ugesi u-Eskom ithi isebenzisana noMnyango Wezogesi kanye nezinye izinhlaka ezithintekayo ukuvikela ugesi kazwelonke.
Ukuhlasela kweRussia ngezomoya ezindaweni zamachweba e-Ukraine ziqhubekile ngoLwesine, ngokusho kweziphathimandla zendawo, ngemuva kokuthi iMoscow ixwayise ngokuthi imikhumbi elibangise emachwebeni eBlack Sea e-Ukraine ingase ibhekwe njengezinto ezifanelwe ukuhlaselwa.
INkantolo Ephakeme yaseGhana ngoLwesithathu iyichithile inselelo yezomthetho ebifuna ukuvimba iphalamende ukuthi liphasise umthethosivivinywa oqinile omelene nabathandana nobulili obufanayo (LGBT), nokuvula indlela yokuthi ugunyazwe.
