Ukudlondlobala kwamaspaza kuqwebule amehlo izitolo ezinkulu
Ukukhula kwezitolo zasemalokishini ezaziwa ngama-spaza kuzo zonke izigodi nasemalokishini sekuqala ukuqashelwa abakhiqizi abakhulu bezimpahla ezithengwayo. Le makethe engakahleleki isize imikhiqizo eminingi ebingaziwa phambilini ukuthi ithole isabelo semakethe emalokishini.
Kuleli sonto eledlule, iTiger Brands ibambisene namaspaza amaningi ukuze igcine isabelo sayo semakethe esiqinile esisongelwa yimikhiqizo emisha neshibhile. Amalokishi nezindawo zasemakhaya eNingizimu Afrika abone ukukhula ngendlela engakaze ibonwe kwezitolo ezisemakhoneni asemgwaqeni – iningi lawo eziphethwe abokufika.
Ezinye izinto ezifana ne-Score energy drink, iMofaya energy drink, iGo-Slow chips neSimba Munchies sezidume kakhulu emnothweni waselokishini kanti phambilini bezingabonwa ezitolo ezinkulu. Le mikhiqizo ibisusa kancane isabelo semakethe kumagama amakhulu afana neTiger Brands kanye nePremier.
ISoweto Business Access ithe kuyazuzisa ukuba yingxenye yomnotho wasemalokishini futhi akuzona nje izinkampani zezimpahla zabathengi ezisheshayo (FMCG) ezibone amathuba okukhula emkhakheni ongahleliwe.
USihlalo weSoweto Business Access, uMphuthi Mphuthi uthe, “Ngakho-ke, kukhombisa ukuthi uma uhambisana nabathengi baselokishini, unesiqiniseko sokwesekwa. Ngakho-ke, sibheke ngabomvu ukuthi kube nemikhiqizo emikhulu nakakhulu, ikakhulukazi njengoba umkhakha wezezimali usuqalile. Ngiqonde ukuthi sinabantu abafana neBlue Label Telecoms manje abethula imishini elokishini lethu, okuvumela abantu bakithi ukuthi bakwazi ukukhokha ngaphandle kokusebenzisa imali. Ngakho-ke lawo ngamasu esiwamukelayo ngoba aqinisekisa ukuthi ilokishi lihlonishwa ngokulinganayo.”
ITwizza ingenye yezinkampani zokuqala ezasebenzisa ithuba lokukhula okuqinile kwemakethe yama-spaza ukuze ikhulise umkhiqizo wayo eminyakeni engama-20 edlule.
Isikhulu seTwizza, uLisle Clark uthe, “Ngakho, imakethe yezitolo ezinkulu eNingizimu Afrika ingaphansi kwama-40% emakethe yonke kodwa ibe nomthelela ngaphezu kwama-70% webhizinisi lethu. Sithanda ukukholelwa ukuthi siwuchaza kabusha umzila – ukuya – ukumaketha ngezitolo ezinkulu zeziphuzo ezibandayo. Lapho siqala ukungena emakethe, kwakungavamile ukuthola umholi wemakethe noma iziphuzo ezibandayo esitolo esidayisa yonke impahla. Bekumba eqolo nje. Ubunabathengi bakho abaphansi abathenga imikhiqizo yesiphuzo ye-mixer ngokuphambene neziphuzo ezithambile ze-carbonated. Kwakubhekwa njengokunethezeka impela. Ngakho-ke ukukwazi ukuhlinzeka ngomkhiqizo othengekayo empeleni kwakha imakethe yeziphuzo ezibandayo phakathi kwezitolo ezinkulu.”
Iqiniso elidabukisayo ukuthi ukukhula ezitolo ezingakahleleki kuqhutshwa kakhulu ngabafuduki bezomnotho abavela eSomalia, Ethiopia, Pakistan nase-Afghanistan.