ICommunication Workers Union (CWU) ithi ibhodi leSABC lizibophezele ekuqinisekiseni ukwenza umhlangano ukuze linikeze imininingwane ngezinkinga zezimali ezikhungethe le nhlangano yezokusakaza.
UMengameli kaKhongolose uMnu uCyril Ramaphosa uthe ingqungquthela ezayo yeBRICS ngeke yenziwe ngezindlela zokuxhumana zesimanje, kodwa kuzoba wumcimbi wamazwe wonke ayingxenye yayo ekufanele abekhona siqu.
Amasosha ase-Ukraine aqhubekile nomkhankaso wawo wokubuyisa izindawo eziphethwe yiRussia eningizimu-mpumalanga njengoba uMongameli uVolodymyr Zelenskyy ekuvezile lokhu emisakazweni ethi amasosha ezwe lakhe "athathe igxathu" ngemuva kokuhamba kancane komkhankaso kwaphambilini.
UKganyago uthe ngenxa yomthelela wokucinywa kukagesi, umnotho wezwe usukhula ngesivinini esiphansi. UKganyago ubekhuluma engqungqutheleni yeSARB ebiseSoweto eningizimu yeGoli.
Amasosha akwa-Israel ahlasele idolobha iJenin ngama-drones ngoMsombuluko njengenye yezigameko ezinkulu zokuhlasela eWest Bank eminyakeni engama-20, kwashona okungenani abantu abayisishiyagalombili kwaphinde kwabandakanya amakhulu amasosha ezimpini zezibhamu eziqhubeke kwaze kwaba ntambama.
INingizimu Afrika isiphinde yaqinisekisa ukuzibophezela kwayo ukusebenzisana nohulumeni waseDemocratic Republic of Congo ukukhuthaza ubudlelwano bamazwe amabili kanye nokusiza iKinshasa ukuthi yakhe umbuso oqinile.
UMengameli waseSenegal, uMacky Sall, ukuvezile ukuthi ngeke alungenele ukhetho kabusha ngonyaka ozayo, esho enkulumeni yakhe ngoMsombuluko, eqeda ukuqagela ukuthi uzothatha ihlandla lesithathu ngesikhathi labo abamgxekayo bethi ngabe akukho emthethweni uma engenela ukhetho.
UMengameli uJoe Biden uthi i-United States kanye nabalingani bayo bafuna ukuqinisekisa ukuthi abanikezi uMongameli waseRussia uVladimir Putin izaba zokusola ukuvukela umbuso kafushane eRussia kweWagner Group emazweni aseNtshonalanga.
Umholi weqembu eliphikisayo iCitizens Coalition for Change in Zimbabwe, uMnu uNelson Chamisa usenxuse amazwe omhlaba ukuthi aqinisekise ukuthi ukhetho oluzayo kuleliyalizwe ngoNcwaba lube ngolukhululekileyo.
Lo mbiko ukhombisa ukuthi izikhundla zokuphatha eziphezulu zisagcwele abamhlophe lapho bami ngama-62%, kulandele aboHlanga ngo-16% nakuba aboHlanga benesibalo esiphezulu seziqu zobungcweti ngama-48% uma kuqhathaniswa nabamhlophe anama-30%.
Inhlangano ebizwa ngokuthi iNational Liquor Traders (NLT) ithi izinhlelo eziqinile zokuqapha ziyadingeka ngokushesha ukuze kunqandwe ukudayiswa kotshwala obungekho emthethweni.
UNgqongqoshe kagesi uDkt uKgosientsho Ramokgopa uthi umnyango wakhe usunenqubekela phambili ekwehliseni ukunqanyulwa kukagesi. Unikeze isibuyekezo sakamuva mayelana nenkinga yamandla ezweni.
U-Eskom nezinyunyana zabasebenzi bafinyelele esivumelwaneni samaholo seminyaka emithathu sama-7%. Udaba lubuyele emuva eCentralized Bargaining Forum kulandela izinsuku ezimbili zezingxoxo zamaholo.
I-Economic Freedom Fighters (EFF) eGauteng inxusa ukuthi kusungulwe uhlaka oluzimele oluzoqapha uhlelo lwemisebenzi yaseGauteng.
Iziphathimandla zamasosha esikhashana eMali ngoLwesihlanu zicele ukuthi umbutho wokugcina ukuthula weNhlangano Yezizwe (UN) uhambe “ngokuphuthuma “uphakamisa inkinga yokuthembana” phakathi kweziphathimandla zaseMali kanye nemishini ye-UN yeminyaka eyishumi eyaziwa ngokuthi iMINUSMA.
UMengameli waseRussia uVladimir Putin ngoMgqibelo unikeze abaholi base-Afrika abafuna ukulamula empini yase-Ukraine uhlu lwezizathu ezenza akholelwe ukuthi iziphakamiso zabo eziningi zazinephutha, ethela amanzi abandayo ohlelweni oseluchithiwe kakhulu yiKyiv lokuzolamula kwamazwe ase-Afrika empini ese-Ukraine.
Owayengumengameli waseMelika uDonald Trump uwaphikile ngoLwesibili amacala obugebengu abekwe wona ngokuthi wagcina ngokungemthetho amaphepha ezokuphepha ngesikhathi ephuma esikhundleni futhi waqamba amanga ezikhulwini ebezifuna ukuwabuyisa.
UNgqongqoshe Wezobudlelwano Namazwe Angaphandle, uNaledi Pandor, usephinde wazwakalisa ukukhathazeka mayelana nempatho yezinkampani ezithile zaseNingizimu Afrika eCameroon.
IDemocratic Alliance (DA) ithi i-African National Congress (ANC) manje sekumele ngokomthetho ikhiphe amarekhodi ayo okujutshwa kwabathize beqembu ezikhundleni (Cadre Deployment).
UNgqongqoshe wezeziMbiwa naMandla uGwede Mantashe uthi ukucisha kukagesi kanye nokwehluleka kohlelo lwenethiwekhi yakwaTransnet kube nomthelela ekwehliseni izinga lokuheha ukutshalwa kwezimali kwezwe.
UNgqongqoshe wezokuXhumana kwamaZwe ngamaZwe eNingizimu Afrika, uNaledi Pandor, uthe bajabule ngenqubekelaphambili esenziwe yiDevelopment Bank, elalaziwa…...
Amasosha aseMpumalanga yeLibya axoshe izinkulungwane zabantu baseGibhithe abebeseLibya ngokungemthetho kulezi zinsuku ezedlule, babadingisela eGibhithe behamba ngezinyawo bewela umngcele wezwe, kusho umthombo wezokuphepha waseGibhithe kanye nomthombo wezokuphepha empumalanga yeLibya.
Inhlangano iTransnational Alliance to Combat Illicit Trade (Tracit) ithi umnotho waseNingizimu Afrika wopha izigidigidi zamarandi minyaka yonke ngenxa yezenzo ezingekho emthethweni ezingalawuleki.
Amaqembu alwayo eSudan alwe enhlokodolobha ngoLwesihlanu ngemuva kokubhidlika kwezingxoxo zokuthi kumiswe umbango kanye nokudambisa inkinga yabantu.