Umkhuzi webutho laseKenya elisungulelwe ukulwa nodlame lwamasosha empumalanga yeDemocratic Republic of Congo uthe wesulile esikhundleni ngenxa yokuphazamiseka kokusebenza kwakhe nokusabisa ukuphepha kwakhe, nokwengeza nokungabaza ngokuthi ngabe lolu hlelo lungasebenza yini.
I-United Nations Refugee Agency (UNHCR) manje isixwayisa ngokuthi abantu abangaphezu kwezi-800 000 bangase babaleke eSudan ngenxa yempi eqhubekayo phakathi kwamaqembu amabili amasosha njengoba uNobhala Jikelele ethumele iNhloko yakhe yosizo kulesi sifunda ngempelasonto.
Umnyango Wezokuvikela eRussia ngeSonto uthe amasosha awo athathe indawo eyengeziwe eBakhmut njengoba beqhubeka nenhloso yalelizwe yokuthatha iDolobha ngokugcwele.
UNdunankulu wase-Ethiopia u-Abiy Ahmed kanye neqembu lamavukelambuso i-Oromo Liberation Army (OLA) baqale izingxoxo zokuthula eTanzania ngoLwesibili, kusho izinhlangothi zombili.
Umkhokha wokuphendukelana kwabaholi eSudan kuze kufinyelele ekuchithekeni kwegazi wangena kudala.
Umfelandawonye wamaqembu aphikisayo eKenya uzimisele ukuxoxisana nohulumeni mayelana nezinguquko zokhetho kanye nezindleko eziphakeme zokuphila, ngenkathi uphinda uqala imibhikisho, kusho umholi weqembu eliphikisayo uRaila Odinga.
Amasosha aseSudan abonakale ephumelela ngeSonto emzabalazweni nezimbangi zawo ezihlomile, ngesikhathi eshaya izisekelo zawo ngohlaselo lomoya (airstrikes), kusho ofakazi.
Kuzwakale ukuqhuma kwezibhamu okungenani emadolobheni amabili esifundeni sase-Amhara e-Ethiopia ngeSonto njengoba izinkulungwane zibhikishela umyalelo kahulumeni kazwelonke wokuhlanganisa amabutho akhethekile esifunda emaphoyiseni noma embuthweni wezwe, kusho izakhamuzi.
U-Alexander Lukashenko, uMengameli waseBelarus, utshele uNgqongqoshe wezokuvikela waseRussia ngoMsombuluko ukuthi ufuna iziqinisekiso zokuthi iMoscow izolivikela izwe lakhe uma lihlaselwa, kubika abezindaba zeBelTA ezingaphansi kukahulumeni.
Ababhikishi bajikijele amaphoyisa ngamatshe enhlokodolobha yaseKenya kwathi abahlaseli bashisa ihhovisi eliphethwe yiqembu likamengameli edolobheni elisentshonalanga ngoLwesine ngesikhathi kuqhubeka imibhikisho yesithathu ebihlelwe abaphikisi bakhe.
IBurkina Faso isixoshe izintatheli ezimbili zaseFrance ezisebenzela amaphephandaba iLe Monde neLiberation, kusho lamaphephandaba amabili ngeSonto, esola iziphathimandla ngokuzama ukucindezela inkululeko yokukhuluma ngokuhlaselwa okukhulayo kwabezindaba zangaphandle.
Mhla zili-17 kuNdasa we-2011 umhlaba wonke, ikakhulukazi i-Afrika yashaywa ngemfe iphindiwe yi-United Nations ngesinqumo eyasithatha…...
Emasontweni ambalwa ngemuva kokuhlasela okunodlame kwabafuduki 22 eTunisia okwadala ukuthi kube nengozi yokuthi bahambe ngezikebhe zabashushumbisi beya e-Italy, abantu abaningi base-Afrika namanje abanamakhaya futhi abanamisebenzi kanti abanye bathi basabhekene nokuhlaselwa ngokobuhlanga.
Amaphoyisa aseKenya aqhumise isisi esikhalisa unyembezi kumholi weqembu eliphikisayo ngoMsombuluko abopha abaphathi bezomthetho eqenjini lakhe ephalamende, ngesikhathi ababhikishi begcwele imigwaqo bebhikishela uMengameli uWilliam Ruto kanye nezindleko eziphezulu zokuphila.
Inkantolo yaseChad igwebe amavukelambuso angaphezu kwama-400 udilikajele ngoLwesibili ngokushona kowayengumengameli u-Idriss Deby, owabulawa ngaphambi kwempi eyayibhekene neqembu lawo ngowezi-2021, kusho ummeli wawo.
UMengameli waseChina uXi Jinping uhlela ukuvakashela eRussia maduze-nje ngesonto elizayo, kusho abantu abajwayelene nalolu daba ngoMsombuluko, kanti iMoscow neKyiv bobabili babike ukulwa okushubile empini eyachitha igazi eliningi esedolobheni elisempumalanga iBakhmut.
Ongenele ukhetho lukamongameli waseNigeria u-Atiku Abubakar ngoMsombuluko uhole amakhulu abalandeli embhikishweni onokuthula mayelana nekhomishana yokhetho esingethe amavoti angenyanga edlule ikhomishana ethi anqotshwe yilowo obengenele iqembu elibusayo uBola Tinubu.
I-United States of America (USA) iphinde yakhombisa ubuqhwaga ngokuthi ikhiphe isitatimende ngesonto eledlule ngesinqumo sokuqhubeka…...
IChina ayizange iqhubeke nokuhlinzeka ngosizo lwezikhali oluzosiza iRussia ekuhlaseleni kwayo i-Ukraine kanti i-United States ikubeke kwacaca ukuthi uma ishintsha kulokho kuzoba nemiphumela emibi, kusho umeluleki wezokuphepha kuzwelonke eWhite House uJake Sullivan ngeSonto.
Amasosha ase-Ukraine alwela ukubamba ukuhlasela kweRussia edolobheni elincane elisempumalanga iBakhmut acele izikhali ezengeziwe emazweni angaphandle, njengoba abaholi baseNtshonalanga behlangene eMunich ukuzohlola lempi esithathe unyaka wonke enyakazisa umhlaba wonke.
Ongqongqoshe bezangaphandle baseBurkina Faso, Guinea naseMali, bonke ababuswa yizikhulu zamasosha baphakamise ubudlelwano besifunda ukuze kube lula ukuhweba kanye nokubhekana nokungavikeleki esifundeni. Lokhu bakuveze esitatimendeni esihlanganyelwe ngesonto eledlule.
Amaphoyisa aseTunisia abophe osopolitiki kanye nosomabhizinisi owaziwayo, noxhumene nezepolitiki ngempelasonto edlule, kusho abameli babo, ecaleni abezindaba bendawo abathi izinsolo zetulo lokuvikeleka kombuso.
UMengameli waseTunisia usole inani eliphansi kakhulu labavotile okhethweni lwasephalamende ngenxa yenzondo phakathi kwabavoti bephalamende, hhayi ukwehla kokuthandwa kwakhe.
Ikhomishini yezokhetho imemezele ukuthi bayi-11.4% kuphela abavotile ngeSonto kukhetho lwephalamende.
UNgqongqoshe Wezokuvikela e-Ukraine uthe amathangi amasha anikezwe amazwe eNATO azosebenza “njengesibhakela sensimbi” lapho iKyiv izowasebenzisa ukunqamula imigqa yokuzivikela yaseRussia.
UMnu u-Oleksii Reznikov, utshele isithangami sezindaba nozakwabo wasePoland ukuthi izimpahla zaseNtshonalanga zezibhamu ezili-155 mm zibalulekile.
