ITunisia ayiyizwisisi eyabafudukela khona bebaleka
Emasontweni ambalwa ngemuva kokuhlasela okunodlame kwabafuduki 22 eTunisia okwadala ukuthi kube nengozi yokuthi bahambe ngezikebhe zabashushumbisi beya e-Italy, abantu abaningi base-Afrika namanje abanamakhaya futhi abanamisebenzi kanti abanye bathi basabhekene nokuhlaselwa ngokobuhlanga.
Ngaphandle kwenhlangano yababaleki ye-United Nations eTunis, inqwaba yabafuduki base-Afrika bema bebhikisha kuleli sonto ekamu lesikhashana abahlala kulo, okuhlanganisa nezingane, kusukela iziphathimandla zinxuse abanikazi bezindlu ukuthi babaxoshe ezindlini zabo. “Sidinga ukukhishwa lapha iTunisia ayiphephile. Akekho umuntu onekusasa lana uma unalombala. Kuyicala ukuba nalo mbala,” kusho uJosephus Thomas ekhomba isikhumba sakhe.
Lapho ememezela lesi sinqumo ngoNhlolanja zingama-21, uMengameli uKais Saied uthe ukungena kwabantu bakwamanye amazwe ngokungemthetho kuyitulo lobugebengu lokushintsha isimo sabantu baseTunisia, ulimi i-African Union eyaluchaza “njengenkulumo enenzondo ecwasa ngokwebala”.
Umsizi kaNobhala Wezwe eMelika uBarbara Leaf utshele abeReuters ngoLwesine ukuthi ukuphawula kukaSaied kudalule “ukuhlasela kanye negagasi elikhulu lezinkulumo zokucwasa ngokwebala”, amaqembu alwela amalungelo athi amakhulu abantu bokufika abike ukuthi bayahlaselwa noma bethukwa.
USaied kanye nongqongqoshe wezangaphandle waseTunisia bazichithile izinsolo zokuthi yena noma uhulumeni unobandlululo futhi bamemezele izinyathelo zokudambisa imithetho yama-visa kubantu base-Afrika futhi bakhumbuza amaphoyisa ngemithetho emelene nokucwasa. Yize kubonakala sengathi lokhu kuhlasela noma ukucindezela kuphele emasontweni edlule, abokufika bathi basabhekene nokuhlukunyezwa. “Abantu bangitshela ukuthi ‘njengoba usezweni lakithi ngemva kwenkulumo kamongameli, awunaso isithunzi?’ Ngathula bangitshela ukuthi ngiwudoti,” kusho u-Awadhya Hasan Amine, umbaleki waseSudan ngaphandle kwekomkhulu le-UNHCR eTunis.
U-Amine usehlale eTunis iminyaka emihlanu ngemuva kokubaleka eSudan wabe esebaleka eLibya nomyeni wakhe. Manje uneminyaka engama-30 ubudala, uhlala emgwaqweni ngaphandle kwehhovisi le-UNHCR kusukela abantu bendawo bajikijela umuzi wakhe ngamatshe enhloko-dolobha yaseRouad.
