Ompetha base-Africa nenselelo yokwenza kahle kweyoMhlaba
Iyasuka iyahlala kusasa ngoMgqibelo imidlalo yeNdebe YoMhlaba yabesilisa abaneminyaka engaphansi kweminyaka engama-20.
Le midlalo izobanjelwa eChile njengoba izoqala kusasa kulindeleke ukuthi ize isongwe mhla zili-19 kuMfufu, angama-24 amazwe azobe ebanga inkomishi.
KuleNdebe YoMhlaba kwenzeke okungajwayelekile ukuthi izwe elivikela isicoco okuyi-Uruguay lingabi yingxenye yomqhudelwano, imbangela yalokho ingoba yehluleka ukubalwa namazwe amane kowe-American U/20 Championship.
I-Uruguay ibe ngompetha boMhlaba ngonyaka wezi-2023 kumqhudelwano owabe ubanjelwe e-Argentina.
INingizimu Afrika (Amajita) kuleNdebe YoMhlaba yakulonyaka ikwazile ukuthi izibekele indawo njengoba yabe igcine ngonyaka wezi-2019 ukuyidlala.
Amajita aya kulo mqhudelwano nje ahambela phezulu kwazise angompetha base-Africa, njengoba ezinyangeni ezedlule yanqoba U/20 African Cup of Nations (Afcon).
Lo mqhudelwano yize udlalwa injejane kodwa usuke ubhekwe umhlaba wonke, kwazise useke wadlalwa uDiego “Hand of God” Maradona, uLionel Messi noPaul Pogba bobathathu bawunqoba ngeminyaka eyehlukene.
Umgadli waseNorway odlalela iManchester City yase-England u-Erling Haaland ngonyaka wezi-2019 wagqama kuwo njengoba waba umdlali owashaya amagoli amaningi ayi-9.
URaymond Mdaka oqeqesha Amajita ubhekene nenkulu inselelo yokuthi aqede ishobolo lokungenzi kahle kwelakuleli uma lidlala kulo mqhudelwano.
Amajita asebe yingxenye yalo mqhudelwano amahlanda amane ngowe-1997, ngowezi-2017 kanye nangowezi-2019 lapho ephuma kwisigaba samaqoqo, kube ngcono ngowezi-2009 aphuma kwi-Round 16.
Imidlalo yamaqoqo Amajita:
Akuqoqo E:
29 kuMandulo:
France v South Africa, Estadio El Teniente, Rancagua, 22:00.
3 kuMfumfu:
South Africa v New Caledonia, Estadio El Teniente, Rancagua, 01:00.
5 kuMfumfu:
USA v South Africa, Estadio El Teniente, Rancagua, 22:00.
Isikwati sa-Amajita:
- Fletcher Smythe-Lowe (Estoril Praia, Portugal)
- Takalani Mazhamba (Kaizer Chiefs)
- Kgoleng Ratisani (Sekhukhune United)
- Sfiso Timba (Kaizer Chiefs)
- Asekho Tiwani (Mamelodi Sundowns)
- Neo Rapo (Siwelele FC)
- Siviwe Nkwali (Stellenbosch FC)
- Thato Sibiya (Mamelodi Sundowns)
- Tylon Smith (Queens Park Rangers, England)
- Lazola Maku (Siwelele FC)
- Patrick Autata (Durban City)
- Gomolemo Kekana (Mamelodi Sundowns)
- Kutlwano Letlhaku (Mamelodi Sundowns)
- Langelihle Phili (Stellenbosch FC)
- Mfundo Vilakazi (Kaizer Chiefs)
- Shakeel April (Cape Town City)
- Siyabonga Mabena (Mamelodi Sundowns)
- Thabang Mahlangu (Siwelele FC)
- Jody Ah Shene (Cape Town City)
- Siviwe Magidigidi (Siwelele FC)
- Luke Baartman (Kaizer Chiefs)