Now Reading
Iqembu leKho-Kho lamukelwe njengamaqhawe litheleka lapha eNingizimu Afrika
Dark Light

Iqembu leKho-Kho lamukelwe njengamaqhawe litheleka lapha eNingizimu Afrika

Lamukelwe njengamaqhawe iqembu lesizwe lalapha eNingizimu Afrika labesilisa nabesifazane, ebeliyingxenye yeNdebe YoMhlaba yeKho-Kho ebeyibanjelwe eNew Dehli, e-India.

Leli qembu ebelithakwe ngabadlali basesifundazweni iKwaZulu-Natal, litheleke esikhumuleni sezindiza iKing Shaka Internationa, eThekwini izolo ntambama. Yize linganqobanga kodwa likwazile ukuba lifinyelele kowandulela owamanqamu nalapho lahlulwa khona osokhaya i-India ngo-64 ku-42, kumdlalo obungoMgqibelo.

Neqembu labesifazane nalo kube ngesifanayo njengoba lihlulwe esigabeni esifanayo ibo osokhaya ngo-66 ku-16. I-India iyona egcina iba ngompetha balo mqhudelwano.

Lo mcimbi wokwamukelwa lamaqhawe ubuhlelwe uMnyango wezeMidlalo, ezobuCiko namaSiko KwaZulu-Natal oholwa uNgqongqoshe uMntomuhle Khawula, obengekho kodwa ubemelwe uNgqongqoshe wezokuThuthukiswa koMphakathi uMbali Shinga ngokubambisana noMkhandlu weTheku.

Lo mqhudelwano ubudlalwa ngamazwe angama-23 abeqhamuka kumazwekazi ayisithupha, bekunamazwe abesilisa angama-20 nabesifazane ali-19.

See Also

Umqeqeshi uXolile Ndaba uveze ukuthi unethemba lokubona iqembu lenza kahle kwiNdebe YoMhlaba elandelayo ezokuba seBirmingham, e-England ngonyaka ka-2026/27.

“Kuyajabulisa ukubona samukelwa njemaqhawe, ngiyaziqhenya kakhulu ngeqembu lethu ngokuthi libuye nendondo yethusi. Osokhaya nabo babonile ukuthi sibanikezile ubunzima. Ngiyabonga ukwesekwa engikutholile eMzansi, nizokhumbula angisitholanga isikhathi sokuzikhethela abadlali kwezinye izifundazwe nginikiwe abadlali kwathiwa angibaqeqeshe. KwaZulu-Natal kuphela lapho engakwazi khona ukuzikhethela abadlali engizobasebenzisa” kubeka umqeqeshi.

Scroll To Top