Kuye ngokohlelo uNtuli eba nguNdunankulu

Kuhambe ngokohlelo lwezivumelwano sokusebenzisana kuhulumeni wokubambisana KwaZulu-Natal kuqokwa uMnu uThami Ntuli we-Inkatha Freedom Party njengoNdunankulu Wesifundazwe. UNtuli onguSihlalo weqembu esifundazweni ubebanga isikhundla neNkosi uPhathisizwe Chiliza oyiSekela likaNdunankulu kaZulu.

Ngaphambi kokuthethwa kukaNdunankulu kukhethwe uSomlomo uNkk uNontembeko Boyce we-ANC, iSekela kwaba uaMabatho Tembe weDemocratic Alliance. Ngaphandle kwesiShayamthetho bekugcwele amalungu e-IFP neMK kuculwa izingoma zomzabalazo. Kuke kwasuka umsindo kumalungu eMK kubangwa uhlu lwabazongena eSishayamthetho. UMnu uThulani Gamede obesohlwini lweMK esethole nencwadi ewubufakazi bokuthi uzofungiswa ujikiswe esangweni ngamanye amalungu aleli qembu, endaweni yakhe kwafakwa elinye ilungu elingaziwa. Imibiko yokushintshwa kohlu lweMK isabalele ngoLwesine kusihlwa KwaZulu-Natal.

NgeSonto uMholi weMK uMnu uJacob Zuma kulindeleke ukuba akhulume namalungu eqembu nabezindaba ngokuthi iMK imiphi ngohulumeni.