Kuphenywa ngababulewe esikhungweni sokuvota eKZN
Emuva kosuku kudlule ukhetho lukazwelonke nolwezifundazwe, amaphoyisa KwaZulu-Natal aphenya imibiko ngabantu abathathu okuthiwa babulewe esikhungweni sokuvota.
Omunye kuthiwa ulimale kanzima. Ngesikhathi sokuloba lapha abeKhomishini Ezimele Yokhetho bathe basebenzisana namaphoyisa ukuphenya ngalesi sehlakalo okwamanje abakwazi ukukhipha imininingwane ephelele. Lesi ngesinye sezigameko ezibikiwe ngosuku lokhetho. Esifundazweni iGauteng kuboshwe abantu abangama-20 ngokuphula umthetho kulandela ukubanjwa beshutha amaphepha abo okuvota ukukhombisa ukuthi bavotele liphi iqembu.
Esifundazweni iNorthern Cape kuboshwe abahlanu abatholwe bephuza emagcekeni esikhungo sokuvota.
