Ukhetho lwangowezi-2024 lunindwe ngamathizethize ahlukene
Abavoti ababhalisile abafike ukuzovota ngoLwesithathu bahlangabezene nolayini onzima kanye nezinkinga zobuchwepheshe ngemishini yokuphatha abavoti.
IKhomishini Ezimele Yokhetho eNingizimu Afrika (IEC) iziqhelelanisile nezinsolo zokuthi yaba nesandla ngamabomu okuphazamisa uhlelo lokuvota ngosuku lokhetho.
Abavoti ababhalisile abafike ukuzovota ngoLwesithathu bahlangabezene nolayini abade kanye nezinkinga zobuchwepheshe ngemishini yokuphatha ukuvota (VMDs).
ISikhulu Esiphezulu se-IEC u-Sy Mamabola sithe: “Akukho ukubambezeleka okwenziwe ngamabomu ngasohlangothini lweKhomishini. Asinazo izinhlelo zosuku lwesibili lokuvota.”
UMamabola utshele abezindaba esikhungweni sokusebenza kwemiphumela eGallagher Estate eMidrand ngoLwesithathu kusihlwa, kusasele amahora amabili ngaphambi kokuthi kuvalwe iziteshi zokuvota.
Nokho i-IEC ikucacisile ukuthi akekho umvoti obhalisiwe ozojikiswa ngaphambi kwesikhathi sokuvalwa. UMamabolo uphinde wachitha ukuqagela kokuthi ukuvota kuzothatha usuku lwesibili. “Asinalo uhlelo losuku lwesibili lokuvota.
Kanti iKhomishini yezoKhetho eNingizimu Afrika (IEC) isithathele ku-X, ebiyaziwa ngeleTwitter, ibonga wonke umuntu olinde olayini abade ezikhungweni zokuvota ezweni lonke ngoLwesithathu.
Ekhuluma nabezindaba izolo ntambama, iPhini leCEO ye-IEC, uMasego Sheburi, uphinde wakubeka ukuthi ikhomishini ibhekane nezigameko eziningi ezibikiwe zokungavulwa kwezikhungo ngenxa yezingqinamba zemishini yokuphatha abavoti.
“Kubo bonke abalinde emgqeni wokuvota, ngiyabonga ngokubekezela kwenu,” kubhala i-IEC ku-X. Ikhomishana iphinde yazwakalisa ukubonga ezikhulwini ezisebenze kanzima namahora amade ukwenza isiqiniseko sokuthi uSuku Lokhetho luba yimpumelelo.
“Sibonga ngokukhethekile ezinkulungwaneni zezikhulu ze-IEC kanye nababambiqhaza abenze #SAelections24 yenzeka, siyanibona. Besingeke sikwenze ngaphandle kwakho. Yintando yeningi yenu, yiphatheni,” kubhala i-IEC.
Imiphumela yokuqala okhethweni iqale ukugqoza ngezithuba zehora lesibili ekuseni ngoLwesine. Ukubalwa kwamavoti bekukuma-13.99% kusukela ngele-10:19am namuhla. ISikhulu Esiphezulu sezokhetho, uSy Mamabolo, sithe imiphumela ingase ithathe isikhathi eside ukuhlungwa kunangaphambili ngoba kunamaphepha amathathu okuvota esikhundleni samabili.
