OwaseMzumbe nesifiso sokugijima eqenjili elikhulu la-AmaZulu FC
Umdlali wasemumva odlala eqenjini leDstv Diski Challenge (DDC) ya-AmaZulu FC uMncendisi Ndwandwe unephupho lokugijima eqenjini elikhulu lalo Usuthu.
Lo mdlali oneminyaka yobudala engama-20 uveze lokhu kade kunomcimbi obuhlelwe uMasipala waseMzumbe okuyilapho naye adabuka khona.
Lo mcimbi obizwa ngoMzumbe Sports Awards ubusingethwe okokuqala nonyaka, uNdwandwe uhlabane nomklomelo weMost Improved Player of the Year.
UNdandwe ujoyine Usuthu ekuqaleni kwesizini esuka kwiShayamoya Academy esikhiqize inqwaba yabadlali. Wabonakala ngesikhathi edlala kakhle kakhulu kumqhudelwano waminyaka yonke iKhabba Cup eyenziwa uManqoba Mkhize.
“Njengawo wonke umuntu nami nginalo iphupho okuwukuthi ngelinye ilanga ngidlubhe ijezi leqembu elikhulu la-AmaZulu FC. Okuhle ukuthi kusukela ngifikile eqenjini le-DDC isikimu ngiyasithola, okunginika inhlansi yethemba yokuthi kofezeka lokhu engikuphuphayo” kusho uNdwandwe.
Mayelana nomklomelo awunqobile uthe: “Kungijabulise kakhulu ukunqoba lo mklomelo wasendaweni yakithi. Nginethemba lokuthi kuzoyigqugquzela intsha ekutheni nayo izinikele kwezemidlalo”.
Uveze ukuthi ngesikhathi ethathwa AmaZulu FC umqeqeshi wawo waku-DDC uMncendisi “Dada” Sibiya nguyena qobo owatshengisa ukuyithanda indlela aphenduka ngayo enkundleni.