IKruger United incishe iMilford FC ithuba lokuvula igebe phezulu
Iqembu laKwaZulu-Natal eligijima kwi-Motsepe Foundation Championship (MFC) iMilford FC, ihlulekile ukuvula igebe kwilogi njengoba ithole induku kwiKruger United
IMilford FC njengoba ihlulwe namuhla (ngoLweithathu) ibihlulwa okwesibili emva kwemidlalo eyi-9, kanti bekungokokuqala ihlulwa ekhaya.
Leli qembu likaDkt Xanti Pupuma phezu kokuthi lihluliwe lisahlezi phezulu ngamaphuzu ali-19, ukube belinqoba namuhla belizoba namaphuzu angama-22 livule igebe lamaphuzu amane kwiCasric Stars elele endaweni yesibili ngamaphuzu ali-18.
ICasric Stars nayo ayenzanga kahle namuhla njengoba idlae ngokulingana neVenda FC, ngegoli elilodwa nhlangothi zombili.
Kumdlalo olandelayo iStallions (iMilford FC) izovakashela iLeicesterford City, engenelwe amagoli ayi-9 emidlalweni yayo emibili eyedlule.
Khonamanjalo iMidlands Wanderers FC yakhona esifundazweni iKwaZulu-Natal, kubukeka isizama ukwenza kahle njengoba namuhla ikwaze ukuthola iphuzu elilodwa kade ivakashele iBlack Leopards.
Ngempelasonto eyedlule ibiyehlule iVenda FC ekuhambeni, izoya kumdlalo wayo nezowudlala ekhaya neKruger United ngokukhulu ukuzithemba.