IMhlathuze Sport Complex kulindeleke iqale ukusebenza ngemidlalo yeKZN Premier’s Cup
Inkundla obesekuphele isikhathi ingasebenzi uMhlathuze Sport Complex kulindeleke iqale ukusebenza ngemidlalo yeKZN Premier’s Cup.
Le nkundla eseRichards Bay ngaphansi kwesifunda iKing Cetshwayo yamiswa i-Premier Soccer League (PSL) ukuthi isingathe imidlalo, ngenxa yezinto ezithize ezabe zingalungile.
Imidlalo yeKZN Premier’s Cup kulindeleke ukuthi ibe mhla zingama-26 nangomhla zingama-27 kwephezulu.
Le midlalo idlalwa amaqembu amaqembu aKwaZulu-Natal adlala kwiBetway Premiership nakwi-Motsepe Foundation Championship (MFC).
Ugcina ukuba kule nkundla lo mqhudelwano kwabe kuwunyaka wezi-2017. Nyakenye ububanjelwe ePrince Mangosuthu Regional Stadium, Olundi nalapho wanqotshwa khona iRoyal AM engasekho.
Amaqembu azodlala iKZN Premier’s Cup kulindeleke aqhathwe ngoLwesibili eBon Hotel, eRichards Bay.
Le nkundla makuqala isizini ye-PSL izosetshenziswq iRichards Bay FC kanye neMilford FC.