Izinyunyana zikahulumeni zizosebenzisana nabasebenzi bakahulumeni ngesiphakamiso samaholo

Izinyunyana zezisebenzi zikahulumeni zifuna igunya elisha kumalungu ngemuva kokuba uhulumeni ethule isiphakamiso esibuyekeziwe samaholo sama-5%, sisuka kulokho ayesethule ekuqaleni sama-4.7% eMkhandlwini Wokuxoxisana Nomkhakha Womphakathi.

Isitatimende Senqubomgomo Yesabelomali Sesikhathi Esimaphakathi(The Medium-Term Budget Policy Statement)  esethulwe ngonyaka odlule senze inhlinzeko yokuthi abasebenzi bakahulumeni banyuselwe amaholo ngama-4.7%. Izimfuno zabasebenzi zibuyekezwe kaningi zisuka kuma-12,6%.

“Sehle kakhulu, uyazi sisuka kuma-12% futhi manje sisuka kuma-7,5 siya ku-6%, . Lokho kuyiphesenti nengxenye, kuyilapho abaqashi besuka kuma-4,7% baya kwama-5% kuphela, okungu-0,3% kuphela. Ngakho-ke, sikholelwa ukuthi, uyazi, umqashi kufanele acabange ngempela, enyuke futhi okungenani asihlangabeze ngama-6% ngoba sikholelwa ukuthi ama-6% anengqondo,” kusho uJoseph Mashigo weNhlangano Yezisebenzi Zikahulumeni.

Wengeze ngokuthi imali engenayo yezisebenzi ithinteke ngezinye izindleko. “Futhi-ke, ngiqonde ukuthi, lokhu kubangelwa izinto eziningi, uyazi, ikakhulukazi manje ngoba siyazi nge-medical aid yabasebenzi bakahulumeni eyenyuke ngama-13% futhi isibe nomthelela omkhulu kumalungu ethu, futhi ngempela, kube nomthelela emalini engenayo,” kuchaza uMashigo.