Umatikuletsheni wezi-2024 uphumelele ngama-87.3% wamalengiso

UNgqongqoshe wezeMfundo eyisiSekelo uSiviwe Gwarube umemezele ukuthi izinga lokuphasa kukamatikuletsheni lowezi-2024 lingama-87.3%. Lokhu kusho ukuthi lelizinga linyuke ngama-4.4% uma kuqhathaniswa nekilasi lowezi-2023. UGwarube wenze lesi simemezelo emcimbini wokumemezela imiphumela kamatikuletsheni  eRandburg izolo kusihlwa.

UNgqongqoshe uphinde wamemezela ukuthi zonke izifundazwe zenze kahle kakhulu futhi zathola imiphumela engaphezu kwaleyo yangowezi-2023 nokuthi zonke izifundazwe zithole ngaphezu kwama-84%.

Ukuma kwezifundazwe:

1. I-iFreestate ithole ama-91.0% okuwukunyuka kwezinga lokuphasa enyusa lisuka ku-89% ngo-2023.
2. IKwaZulu-Natali ithole ama-89.5% okuwukukhuphuka ngama-3,2% kwimiphumela yowezi-2023.
3. IGauteng ithole ama-88.4% okuwukunyuka kusuka kuma-85.4% eyakuthola ngo-2023.
4. INorth West ithole u-87.5% okuwukunyuka ngama-5.9% kumphumela wabo wezi-2023. 
5. IWestern Cape ithole ama-86.6% inyuke ngama-5% kusuka kumphumela wayo wezi-2023 
6. ILimpopo ithole ama-85.01% okuwukunyuka ngama-5.5% emiphumeleni yabo yowezi-2023
7. IMpumalanga ithole ama-84.99% okusho ukuthi inyuke ngama-8% emiphumeleni yabo yowezi-2023. 
8. I-Eastern Cape ithole ama-84.98% okusho ukuthi inyuke ngama-3.6% emiphumeleni yangowezi-2023.
9. INorthen Cape ithole ama-84.2% okuwukunyuka ngama-8.3% emiphumeleni yabo yowezi-2023.