Isinqumo sikaHulumeni sokubhalisa amaspaza asinabulungiswa: Nafcoc
INational African Federated Chamber of Commerce and Industry (Nafcoc) isichaze isinqumo sikahulumeni sokubhalisa izipaza njengesingenabulungiswa. Izolo bekuwusuku lokugcina lokubhalisa ama-spaza shop, njengengxenye yempendulo kahulumeni yokubhekana nezifo ezitholakala ekudleni esezidlule nemiphefumulo yezingane ezweni lonke.
UNobhala-Jikelele weNafcoc, uMnu uRichard Zulu, uthi uhulumeni kumele aqale ukuxhumana nemiphakathi ethintekayo ekuthatheni izinqumo.
UZulu uthe, “Sekuyisikhathi manje sokuthi uhulumeni aqale ukuxhumana nemiphakathi ethintekile kanye namabhizinisi afana neNafcoc ukuze kutholakale izisombululo. Ngakho-ke le nto yezinqumo zikahulumeni ezindabeni ezithinta amabhizinisi nokungabambisani nosomabhizinisi uqobo, iyinkinga. Eqinisweni, sekudale izinkinga eziningi kunokuzixazulula. Maduze nje sizoba nenkinga enkulu ezweni lethu.”
Ukubhaliswa kwamaspaza eJabulani Civic Centre eSoweto kunwesthiwe kuze kube namuhla. Lokhu kuza ngemuva kokuthi lesi sikhungo siphelelwe amafomu okufaka izicelo.
Umnikazi wespaza, okhetha ukungadalulwa igama lakhe uthe, “Nginomuzwa wokuthi iNingizimu Afrika inabantu abaningi kakhulu ongeke ubabekele izinsuku ezingama-21. Nsuku zonke uma ngifika lapha kuhlezi kugcwele, baningi abantu ababekhona kwadingeka sijike ngoba umnyakazo ungekho.”
