Abaphenyi be-UN bazimisele ukusebenzisana neSyria ukuthola ubufakazi ngohulumeni omdala
Inhloko yesigungu sabaphenyi be-UN isibhalele iziphathimandla ezintsha zaseSyria ukuthi izwakalise ukuthi zizimisele ngokuxoxisana nazo futhi lesigungu siye eSyria ukuyothola ubufakazi obuthinta izikhulu eziphezulu zikahulumeni wangaphambili.
Amavukelambuso umbuso kaMengameli u-Bashar al-Assad kule nyanga, avula amajele namahhovisi kahulumeni futhi aphakamisa amathemba amasha okuziphendulela ngamacala enziwa ngesikhathi sempi yezakhamuzi yaseSyria eyathatha iminyaka engaphezu kweli-13.
“Okubalulekile kithina kuqala kuzoba wukuzama ukubheka ubukhulu bodaba, sibone ngqo ukuthi yini etholakalayo mayelana nokufinyelela kanye nobufakazi obungaba khona, bese sibona ukuthi singasiza kanjani kangcono ekulondolozeni lokho,” kuchaza uRobert Petit, inhloko yoMnyango i-International, I-Ipartial and Independent Mechanism (IIIM), etshele isithangami sabezindaba e-Geneva.
“Manje sekunethuba lokuthola ubufakazi obuqandulisa ikhanda ngombuso omdala”kwengeza uPetit.
Lesigungu se-UN sasungulwa ngowezi-2016 ukuze siphenye futhi sisize ukushushisa amacala abucayi kakhulu e-Syria kusukela ngowezi-2011. Lesigungu njengamanje sesiqoqe idatha engama-terabytes angama-283 futhi sibambisana nabashushisi bomhlaba, kuhlanganise namaqembu aseBelgium, eFrance nase-United States.
UPetit uthe bukhona ubufakazi obulahlekile eSyria ngesikhathi soguquko kombuso kodwa kusesekuseni kakhulu ukuthi bazi isikali. “Siqaphele ngethemba isimo sokuqwashisa iziphathimandla zezinguquko kanye nezinhlaka zomphakathi zaseSyria ngesidingo sokugcina ubufakazi,” kwengeza uPetit.
