IMilford FC yandise amaqembu aseKZN kwiNedbank Cup
IMilford FC yandise amaqembu asesifundazweni iKwaZulu-Natal azoba yingxenye yeNedbank Cup.
Leli qembu laseRichards Bay liguqise i-Upington City FC ngamagoli amabili eqandeni kumdlalo obubanjelwe eMxolisi Dicky Jacobs Stadium, e-Upington. Amagoli ezenoTshepo Liphoko kusaphele imizuzu emibili umdlalo uqalile, elesibili leza noThobela Sikhakhane ngomzuzu wama-44.
Lo mdlalo bekungowokuhlungela ukungena kwiNedbank Cup Last 32. Amanye amaqembu aKwaZulu-Natal akhona kwiNedbank Cup Last 32, iRichards Bay FC, AmaZulu FC, iLamontville Golden Arrows neRoyal AM okungamaqembu ayibamba kwiBetway Premiership. Elinye iqembu Umvoti FC odlala esigabeni seSafa KZN ABC Motsepe League.
Njengoba eli-16 amaqembu akwiMotsepe Foundation Championship (MFC), ayi-8 anqobile iwona azoba yingxenye yalo mqhudelwano waminyaka yonke.
Elinye iqembu elisethubeni lokwandisa amaqembu aseKZN kulo mqhudelwano iDurban City FC ezobhekana neHighbury FC, lo mdlalo uzokuba kusasa eChatsworth Stadium.
Eminye imiphumela yanamhlanje imi kanje:
Casric Stars 0-2 Baroka
JDR Stars 1-4 Venda
Orbit College 0-1 Kruger United
