Kulamule imvula iSri-Lanka iminya amaProteas eThekwini
Imvula enamandla eThekwini iphazamise usuku lokuqala lo mdlalo weTest ophakathi kwamaProteas neSri-Lanka.
Izivakashi (iSri-Lanka) ziwine iToss zaqoka ukuba zishwibe kuqala, kubukeka lokho kuzisebenzele njengoba zithwalise kanzima abadlali bakuleli.
Kuma-Over amane okuqala iSri-Lanka ikwaze ukuthola amawikhethi amabili, ikhipha u-Aiden Makram noTony de Zorzi. Emvakwalokho kulandele uTristan Stubbs David Bedingham.
Umdlalo umiswe iNingizimu Afrika isibeke amaruns angama-80 sekuphume abadlali abane, kuma-over angama-20.4.
UThemba Bavuma noKyle Verreynne uma kuqala usuku lwesibili kusasa babhekiwe ukuthi balekelele elakuleli ngokuthi benze amaruns athe ukubaxaxa ebhodini.
INingizimu Afrika inengcindezj enkulu, kumele nakanjani iyinqobe lemidlalo yeTest ukuze izoyibekela indawo kowe-ICC Test Championship.
