Ugaqele ingqophamlando yenani lokungehlulwa uBarker

Umqeqeshi weStellenbosch FC uSteve Barker ubheke ukubeka elinye irekhodi ngaphambi kokuthi kusongwe isizini yePremier Soccer League (PSL).

IStellenbosch FC sesiqede imidlalo engama-22 induku singayazi, sigcina ukuhlulwa kwabe kuMandulo nyakenye nalapho sasibhekene nompetha beDStv Premiership iMamelodi Sundowns koweligi. 

Kule midlalo engama-22 iStellies (iStellenbosch FC) sinqobe imidlalo eli-16 lapho kuhlanganiswa nomdlalo wamanqamu eCarling Black Label Knockout Cup, lapho esadlala khona iTS Galaxy. 

UBarker usalelwe ukuthi anqobe umdlalo owodwa weligi bese kwenza benqobe imidlalo eli-11 yeligi,  lokho bagcina ukukwenza ngesizini yangowezi-2021/22.

Ngaleyo sizini baqeda endaweni yesine kulogi nokwabe kungokokuqala kwenzeka kusukela leli qembu lakhuphukela kulesi sigabana ngowezi-2019.

“Yebo, uma sinqoba imidlalo eli-12 kungaba kuhle kithina njengeqembu kanyu futhi kusamemidlalo eminingi esele.  Lena kubukeka kuyisizini yethu yokuqopha umlando,” kusho uBarker. 

Kuyimanje iStellies sihlezi endaweni yesibili kulogi ngamaphuzu angama-40, uma singagcina siqeda khona  kobe kusho ukuthi ngesizini ezayo siyodlala e-Afrika. 

Sisemathubeni okuqeda isizini kahle njengoba sibalwa namaqembu amane asele kwiNedbank Cup, kowandulela owamanqamu sizotholana phezulu neSundowns. 

“Abadlali bethu babe nesizini enhle kakhulu ngiyakholwa ukuthi kukhona esizobona beqokwa kulabo abenze kahle mese kuphele isizini” usho kanje. 

Irekhodi leStellenbosch FC emidlalweni engama-22

• 3-0 TS Galaxy
• 2-1 Chippa Utd
• 2-0 Polikwane City
• 2-1 Richards Bay FC 
• 0-0 Chippa United 
• 1-0 AmaZulu FC
• 3-0 Cape Town Spurs
• 3-0 Richards Bay FC 
• 1-0 Cape Town City
• 1-1 TS Galaxy (Sanqoba kumaphenathi)
• 3-2 Orlando Pirates 
• 1-1 SuperSport United 
• 1-1 Pretoria Call (Sanqoba kumaphenathi)
• 1-1 Chippa United 
• 1-0 CT City 
• 1-1 Cape Town  Spurs 
• 6-1 Milford 
• 3-0 Royal AM 
• 1-0 Kaizer Chiefs 
• 0-0 Sekhukhune United
• 4-0 SuperSport 
• 1-1 Sekhukhune United