Indebe ye-Afcon ibe ngumboko weZindlovu kulokhu

I-Ivory Coast izifake emabhukwini omlando ngokujoyina amazwe azakhele igama ngokudla ubhedu lwe-Africa Cup of Nations (Afcon) ingosokhaya. 

Ukunqoba kwe-Ivory Coast lo mqhudelwano okube yinto emangazayo kwazise iwuqale kabi, njengoba yangena esigabeni somkhumulajezi ngomcicimezelo. Ingena namazwe aqede endaweni yesithathu.

Izolo kusihlwa ihlule iNigeria ngamagoli amabili kwelilodwa, enkundleni ebigcwele phama. 

I-Elephants ukunqoba kwayo i-Afcon ingosokhaya ilandele i-Egypt, i-Ethiopia, iGhana, iNigeria, i-Algeria, iNingizimu Afrika, iSudan neTunisia.

I-Egypt yaba yizwe lokuqala ngowe-1959 ukunqoba i-Afcon njengosokhaya. Kwalandela i-Ethiopia ngowe-1962 kwathi ngowe-1963 kwaba yiGhana.

IBlack Star ilandelwe uNigeria ngowe-1980, i-Egypt yayiphinda ngowe-1986 nangowezi-2006, kwaba i-Algeria ngowe-1990 iNingizimu Afrika ngowe-1996 kwaba iTunisia ngowezi-2004.

See Also

INdebe yoMhlaba eQatar ingeyehlukile emlandweni

Bese kuphele iminyaka elishumi nesishiyagalombili kwagcina ukuba nezwe eliphakamisa i-Afcon phambi kwalandeli balo ezweni lalo.

Izwe elizosingatha i-Afcon elandelayo nezokuba ngowezi-2025 yiMorocco, ephume kuma-quarterfinal kulo nyaka ikhishwa iBafana Bafana.