Libhekwe ngabomvu iBhodi elisha kwa-Eskom
IBhodi lakwa-Eskom elisanda kuqokwa seliwuqalile ngokusemthethweni umsebenzi walo. UNgqongqoshe wamaBhizinisi kaHulumeni uMnu uPravin Gordhan (osesithombeni) uthi u-Eskom usabhekene nezinkinga eziningi ezithinta ukukhwabanisa nokweba. Ubekhuluma ngesikhathi kumenyezelwa amalungu amasha ebhodi lakwa-Eskom esithangamini nabezindaba ngoLwesihlanu olwedlule.
Uthe kusenemizamo yamabomu yokuphazamisa ukusebenza kwezinye zeziteshi zikagesi. UGordhan uthe bazokwandisa ukuba khona kwezinhlaka zomthetho ukubhekana nezenzo zokucekelwa phansi.
“Ngeke sibe nesimo sokuthi ngakolunye uhlangothi kube khona abantu abama ezinkundleni befuna ukukhuliswa namathuba emisebenzi, kanti ngakolunye uhlangothi amalungu enhlangano abonakale enza izinto ezibukela phansi imizamo eyenziwayo njengamanje. Ingxenye yesibopho ibhodi elisha elinalo, ukubheka lezi zindaba futhi liqonde ukuthi yiziphi izintuba futhi kunemibiko eminingi yokuthi yiziphi izintuba kodwa nokuqinisekisa ukuthi
kunezinga elifanele lokuziphatha.”
Usihlalo omusha webhodi
“Amalungu amasha ebhodi okokuqala nguMpho Makwana nguyena osezoba usihlalo, ilungu elilandelayo nguDkt uBusisiwe Vilakazi ngizoninika iCV emfi shane yalowo nalowo ngomzuzwana nje, olandelayo nguLeslie Mkhabela, uFatima Ghani, u-Ayanda Mafuleka,
uTsakani Mthombeni, uClaudelle Von Eck, uBheki Ntshalintshali, uClive le Roux noRod Crompton.”
Njengamanje uMakwana unguSihlalo Ongasisona Isikhulu Esizimele se-Arcelor Mittal
South Africa Limited esohlwini lweJSE kanye noMqondisi Ozimele Oholayo kwaNedbank. Uphinde abe nguSihlalo Webhodi Lokweluleka le-Investing in Africa Mining Indaba, Illovo SA(Pty)Ltd, iGibela Rail (RF) (Pty Ltd. Ungusihlalo weSAFCOL SOC Limited kanye nebhizinisi lomndeni i-Epitome Investments (Pty) Ltd. Futhi akayena Isikhulu kwaDirector BioTherm Energy (PTY) Ltd; enye yezinkampani zaseNingizimu Afrika zamandla avuselelekayo. Usebenze njengoMqondisi Ongeyona Ingxenye Yesigungu Seziphathimandla kwa-Eskom phakathi kuka-2002 no-2011.
Ungoti wezamandla
Ungoti wezamandla uChris Yellend uthi kuyakhuthaza ukuqokwa kongoti abanamava ukuthi basebenze ebhodini lakwa-Eskom. Sebeqale ngokusemthethweni ihlandla labo leminyaka emithathu. UYellend uthe abantu abafanele baqokwe ukuthi basebenze ebhodini.
“Kungithokozise kakhulu osolwazi abaqokiwe futhi kuyangijabulisa kakhulu ukuthi abanye babaphathi abakhulu bakwa-Eskom abanomsindo, abadelelwa kanye nabangamabamba ayizikhulu zakwa-Eskom nezinye izikhulu, ezinomsindo futhi ezilimazayo; indlela yokubhekana nayo ayizange ifakwe ebhodini.”
IBBC ifuna kuxoshwe abaphathi
IBlack Business Council ikwamukele ukuqokwa kwebhodi elisha lakwa-Eskom yathi libhalansile futhi linamakhono afanele. Isikhulu seBlack Business Council, uMnu uKganki Matabane, sithe bafuna ibhodi elisha likhiphe isikhulu esiphezulu kwa-Eskom kanye nesikhulu esiphezulu se-Eskom njengoba befake izwe ebumnyameni futhi bakhubaza umnotho.
“Umkhandlu wosomabhizinisi abamnyama uyalamukela ibhodi elisha futhi sinesiqiniseko sokuthi ibhodi libhalansile kahle, linolwazi oludingekayo futhi linolwazi lokubamba i-akhawunti
yokuphatha. Besilokhu sithi akuxoshwe ibhodi laphambilini ikakhulukazi ngoba lihlulekile ukuphoqa abaphathi ukuthi baziphendulele kanti abaphathi bebezenzela umathanda. Sithanda nokubonga uMengameli Ramaphosa ngokuzwa ukukhala kwethu.”