Izibongo zeNkosi uZibhebu kaMaphitha
lmbongi: UGwebisa kaMndonda Dlamini: Entweni
UMsongi wensimbi
Ayibek’ ekhanda
Athi yikhona
Amagwal ‘ezakumbalekela
Usima ngadonga bangamhlabi
Bahlab’ umbhantaka
lntak ‘ eduke nabalandakazi
Ngob’ iduke naBaqulusi
UMagwaz’ ayiqhube
Ayis ‘ekhakonina kwaSothondose
UMngun ‘ uyathentesa
Ufana nabasiki bebunda
Umfishan’ ongubo ziyanyathela
lngan ‘ ezabade
Ziyalubuth ‘ udaka
Umabatshazwa yimvubu yaseMzinyathi
Kwath’ izingwenya zayikhex’ imilomo
Umhlang ‘ oshaya
lzinkomo zikaMaphitha
Usiyephuyephu siyimbube yakwaSekane
Emakhal ‘avuth ‘ umlilo
Usinikiniki silishoba lenkunzi yezingonyama
UGwavumane waMasotsha
Umudli wezidid ‘ezibili
Esinye singaphansi kweHlobane
Esinye singaphansi kweZungeni
Usibindi gidi
Usibindi simnyama
Simnyama nenyongo yaso
UMnumzan ‘ozihlabanelayo
lngan ‘ abany’ abaNumzane
Bayesab ‘ ukuhlatshw’ emkhabeni
Uthukuthele mtakaNdaba
Walokoth ‘ uMsebe
Wath ‘ uyakugcwala
Ngezingazi zamadoda
Nebala wagcwala
Ngezingazi zamadoda.
Ungalo zimqingo
Ngokugwedl ‘ ibhosho
Ngaphansi kweTshana
Ugwedlel ‘ oMgazi noButhelezi.
IZul ‘elidume
Phezu koMzimvubu
Ugod ‘olukhwela
Amakhwent’ eMzinyathi
Unkomo zinembedle
Zine mbedlelele
INkunz’ eMnyama
Yakithi kwaMandlakazi
INzima lemnyam ‘ iyesabeka
lmnyama nezimpondo zayo
lyesab ‘ ukuthiba
Ngoba yesab’ ukushelela
UNonqayiza bemthibela
Uthitshelwe ngaMasotsha
NaMagumgedlela
Obhukudis ‘ abelungu kwaNolele
Bengasa thand ‘ ukubhukuda
Usibhamu sadl ‘ uMiungu
Sadl ‘ ingwenya kwaNolele
Ugqamu kwabad ‘abelungu
Usihawuhaw’ ungayinkondlo
Bayi vumile lvunywe nguPhunga
Yavunywa nguMageba
Umudli wenguyazana
Yedwa kwaNolele
Lwalal’ USuthu
Lungayi dlanga
Ugxamalaza kuphum’ umbayimbayi
Ngaphansi nanga phezulu
Mjaheni Masotsha
Mjaheni Magumgedlela
OkaNdaba wayengase nakwephuka kwaNolele
Ukuba wayephuka
Waye yokwephuk’ eSandlwana
Gijimani ngezindlela zonkana
Niyobikel ‘abangakezwa
Nifike nibatshele ukuthi
Lukhulu luyeza luyanyelela
Nilufanisa noZibhebhu kaMaphitha
Ubuhle bakho Ndaba
Ngiyabesaba, ngibusolile
Ngithe uma ngubuqaphelisisa
Ngabufanisa namehlw’ entethe
Won ‘ asemhlubulweni
Bamethwes ‘ isicoco
OkaNdaba samfanela
Bamgibez’ ehashini
OkaNdaba kwamfanela
Bamnik’ isihlangu
OkaNdaba samfanela
Nani maSwazi khawulani
Ukufunga uMahlokohla
Nith ‘ uMahlokohla
Ngowakini kwaNgwane
Ngob’ uMahlokohla ngowakithi
Laph ‘ eBhanganomo
Ohlokohl ‘ izimbub ‘eGujini
Zaphum ‘ ubusabalala
Zaze zashay ‘ umtsheke
Zathi ngqu ! Washesha !
Mhla ezakuza
NeZimbidl ‘ezimashoba
Unkomo zashaya
lngwaqa ngwaqa kwelasoSuthu
UMngun ‘oMnyama
Wakithi kwaMandlakazi
UMngun ‘ovimbele
Abany’ abeNguni
Engibaziyo bakoFebane
Mhla abeNguni
Beza ngothul ‘ eNgxongwane
Wabuyisel ‘amagwal ‘emuva
Ujojo lovikel ‘ amaklele
Khona lapha eNdimhlane
UNondondo welanga
UMababal ‘ahlome
Akadinwa ukuhloma
UNgqongqo yemikhonto
Uyazibang ‘ izililo
Ngob’ uyazibang ‘ izinyembezi
USiguda mnyama nonyezi
UNompangisa kuyihlomisa
USihlangu sikaShaka nojama
Uvemvane oluhlala
Ezihlangwini zamadoda
Wamudl ‘ uGodide kaNdlela
Emadunen’ akwaZulu
Wamqumba phansi koludumayo
Akwabindaba zalutho
Wath ‘ uyababa
Akananyongo akanamhlehlo
Wamnik ‘ izinyoni zeZulu.
Wamudla uNdwandwe kaMdlaka
Emaduneni ‘ akwaZulu
Wamqumba phansi koludumayo
Akwabindaba zalutho
Wath ‘ uyababa
Akananyongo akanamhlehlo
Wamnik’ izinyoni zezulu
Wamudl ‘ uSihayo kaXhongo
Emadunen ‘ akwaZulu
Wamqumba phansi koludumayo
Akwabindaba zalutho
Wath ‘ uyababa
Akananyongo akanamhlehlo
Wamnik’ izinyoni zeZulu