Ibalelwa ezigidigidini imali eyakhwabaniswa esibhedlela saseTembisa
Kulahleke imali eyizigidigidi ezi-2 ngenxa yokungalandelwa kwemthetho yamathenda kanye nokukhwabanisa eTembisa Hospital kanti lokhu kungase kushube njengoba uphenyo lusaqhubeka, ngokusho kweNhloko yoPhiko oluphenya amacala ayisipesheli (SIU) u-Andy Mothibi.
Ubekhuluma nabezindaba esibhedlela iTembisa, empumalanga yeGoli, mayelana nombiko wesikhashana mayelana nophenyo olubheka izinsolo zenkohlakalo nokungahanjiswa ngendlela kokuthengwa kwempahla kulesi sibhedlela.
Ngesikhathi isikhulu esiphezulu sezeMpilo eGauteng uBabita Deokaran edutshulwa eminyakeni emine edlule, wayehlabe umkhosi ngemali elinganiselwa kwizigidi ezingama-R850 eyakhwabaniswa.
UMothibi uthe sebehlonze inqwaba yabantu kulolu daba okubalwa nezinkampani ezimataniswa noVusi “Cat” Matlala osolwa ngokuzama ukubulala.