I-Lekgotla yeKhabhinethi izodingida ukudalwa kwamathuba emisebenzi, ezamandla, umnotho kanye neDRC
Ukwakhiwa kwamathuba emisebenzi, ugesi, ukuvuselela umnotho kanye nokubulawa kwamalungu ombutho wezokuvikela waseNingizimu Afrika (i-SANDF) eDemocratic Republic of Congo (DRC) kuzohamba phambili kwiLekgotla yokuqala yeKhabhinethi yonyaka, ePretoria namhlanje ntambama.
Lo mhlangano wezinsuku ezimbili uza phakathi nokushuba kwesimo phakathi kwabanye ababambisene kuHulumeni Wobumbano (GNU) mayelana neMithethosivivinyo eminingi eshaywe nguMongameli Cyril Ramaphosa.
Okungenani amaqembu ayi-10 angaphansi kwe-GNU azohlangana e-Sefako Makgatho Presidential Guest House ukuze achaze izinto ezibalulekile zikahulumeni zonyaka wezi-2025. Njengoba bezohlangena, abalingani be-GNU kuzodingeka babeke eceleni ukungezwani kwabo ngezindaba zokubuswa kwezwe ezifana ne-NHI, BELA Act, kanye nomthetho wakamuva uMthetho Wokudliwa Komhlaba(expropriation Act).
I-Freedom Front Plus (FF+) inxenxe amanye amaqembu ukuba aphikisane noMthetho Wokudliwa Komhlaba eNkantolo yoMthethosisekelo kanti iDemocratic Alliance (DA) yona ifake ingxabano ku-GNU.
UMengameli uCyril Ramaphosa ukugcizelele ukuthi i-African National Congress (ANC) engqungqutheleni yeLekgotla igxile ekuthuthukiseni izimpilo zabantu baseNingizimu Afrika. Imiphumela yomhlangano izobumba lokho okuzokwethulwa nguMengameli ngenyanga ezayo kwiState of The Nation Address (SONA).