Ukuqokwa kwiKhabhinethi kuyilungelo likaMengameli kuphela: Ntshavheni

UMtaka ungumbhali wezindaba zamazwe neMeneja kwi-Igunundu Agency.

IKhabhinethi isivikele izinguquko zeKhabhinethi zakamuva zikaMongameli uCyril Ramaphosa. NgoLwesibili ebusuku, uRamaphosa umemezele ukuthi uNgqongqoshe wezokuHlaliswa kwaBantu uMmamoloko Kubayi uzongena esikhundleni sikaNgqongqoshe uThembi Simelane wezoBulungiswa Nokuthuthukiswa Komthethosisekelo.

USimelane manje usephethe uMnyango obuholwa nguKubayi. Kunokugxekwa okusabalele ngoshintsho lweKhabhinethi.

Ekhuluma nabezindaba ePhalamende izolo, uNgqongqoshe eHhovisi likaMengameli uKhumbudzo Ntshavheni uthe, “Ukuqokwa, ukudumala, nokususwa, nokugudluzwa kanye nokunyakaza koNgqongqoshe kuyilungelo likaMengameli kuphela futhi angikwazi ukunikeza izimpendulo kukho. Akuzona izimpendulo zeKhabhinethi, asixoxi ngakho. Kuphakathi kokuthi ushayelwe ucingo waziswe, futhi leyo yingxoxo phakathi kukaNgqongqoshe noMengameli.”