Izikhulu zakwa-Eskom zithi ngeke kube khona ukucishwa kukagesi ngalamaholidi

Izikhulu zakwa-Eskom zithi ziyathemba futhi ziyakholwa ukuthi kulamaholidi kaKhisimusi nobusika obuzayo ngeke ucime ugesi. Abaphathi abaphezulu balolu phiko kanye namalungu ebhodi babikele iKomidi LePhalamende Likagesi Nezamandla ngokusebenza kwalo nangezimali zalo onyakeni wezimali wezi-2024/25.

Ngokusho kwabaphathi bakwa-Eskom, isikhathi eside sokungacishi kukagesi kungenxa yokwenyuka kokusebenza kweziphehli. Isikhulu sakwa-Eskom uDan Marokane uthe igridi izinzile, “Lunjani uhlelo lwasehlobo? Senza kahle kakhulu, maqondana nokuqagela kwamacala ayisisekelo ohlelo lwasehlobo. Silindele ukuqhubeka nalolu hlelo lokugcina izwe likhanya ngaphandle kweziphazamiso futhi singabonisa futhi ngenkathi silungisa izinga elifanele ukuze siqinisekise ukuthi ubusika bangonyaka ozayo nabo abunazihibe.”