Isiqhathiwe eyokuhlungena ukungena kwiLast 32 yeNedbank Cup
Aseqhathiwe amaqembu akwi-Motsepe Foundation Championship (MFC), azolwela ukungena kwiLast 32 yeNedbank Cup.
Kumaqembu ali-16 akwi-MFC kudingeka amaqembu ayi-8 azongena kwiLast 32 yeNedbank Cup.
ILerma United izobhekana nePretoria Callies, iCasric Stars yona izovakashelwa iBaroka FC, i-Orbit College idlale neKruger United, i-University of Pretoria (Tuks) ineHungry Lions , kuthi iJDR Stars yona izodlala neVenda FC.
Eminye imidlalo i-Upington City izodlala neMilford FC, iDurban City ibhekane neHighbury bese iBlack Leopards ivovane inkani ne Cape Town Spurs.
IPremier Soccer League (PSL) maduze izomemezela izinsuku, izinkundla nezikhathi okuzodlalwa ngazo le midlalo.
