Lilokhu ligcwale njalo umoya ibhantshi kubaqeqeshi kwi-ABC Motsepe League eKZN
Iqembu eligijima kwi-Safa KZN ABC Motsepe League iSummerfield Dynamos isihlukene nethimba layo labaqeqeshi njengoba liyiqale ngebatha isizini ka-2024/25.
La baqeqeshi abahlukane naleli qembu lase Chatsworth, uClaude Tarin, Thabani Zondo kanye noSandile Zuke.
UTarin noZuke bahlukana naleli qembu nje ngeledlule bangabanye abaqeqeshi abangama-25 abathole izitifiketi zokuphothula uCaf B Licence, kumcimbi owabe useThekwini
Bobabili labaqeqeshi badala kakhulu kuleli qembu njengoba uZuke efike kuyona iSummerfield Dynamos engumdlali, kanti uTarin ubelokhu eyisekela kubaqeqeshi abaningi.
Emva kwemidlalo eyi-8 iSummerfield Dynamos ekuqoqo A inamaphuzu ayi-8, isendaweni yesikhombisa kumaqembu ali-10. Ngokujwayelekile ihlezi iba sembangweni wokunqoba iqoqo, kanti kumasizini amathathu edlule iyona eyaba ompetha besiFundazwe iKwaZulu-Natal.
Ngempelasonto edlule ihlulwe ngamagoli amabili kwelilodwa iDurban Pioneers, emdlalweni obuseKing Zwelithini Stadium Outerfield, eMlaza.
Amanye amaqembu kule sizini asehlukane nabaqeqeshi uMsinga United (Thobela Bikwani), Muzi King Masters (Kai Kai Mhlungu), Ditlou FC (Mafa Zuma) ukubala nje abambalwa.
Imiphumela yempelasonto edlule ihambe kanje:
Iqoqo A
- Dlangezwa Hellenic 1 Asande 0
- Durban Pioneers 2 Summerfield Dynamos 1
- Mkhumbane Classic/Umlazi Young Lions 1 Muzi King Masters
- Umvoti FC 1 Njampela FC 0
- Ulundi United 0 Midlands Wanderers FC 2
Iqoqo B
- Drakensburg 1 Chess 0
- Ditlou FC 0 Junior Eleven 2
- Newcastle All Stars 2 Ethekwini Coastal 2
- Umshwathi 0 Mkhambathi FC 2
- UMsinga United FC 4 KwaMashu Durban Knight FC 1
