Inxusa leChina eNingizimu Afrika lichitha elogibe lwezikweletu
Inxusa leChina eNingizimu Afrika, uWu Peng, ukuchithile ukugxekwa ngokuthi ukuzibandakanya kwezwe lakhe ekwakhiweni kwengqalasizinda kuholela ogibeni lwezikweletu emazweni ase-Afrika. Uthe iChina iboleka amazwe ngemibandela yokukhokha efanele.
Ekhuluma neSABC News, uWu uthe i-Afrika idinga uxhaso ngezimali ukuze ithuthukise ingqalasizinda yayo. “Asibaphushi ukuthi basebenzise imali ebolekiwe yaseChina. Esakwenza e-Afrika kungaphansi kwesicelo samazwe ase-Afrika kuphela futhi ngenxa yocwaningo olubonakalayo lwezomnotho, bese sihlinzeka ngemalimboleko ethile yengqalasizinda namanye amaphrojekthi e-Afrika. Futhi uyazi, imali ebolekiwe yaseShayina isiyonke, empeleni licishe libe ngama-10%, hhayi ngaphezulu. Ngakho-ke awukwazi ukuvele usole iChina ngalokho okubizwa ngogibe lwezikweletu. Alukho ugibe lwezikweletu. E-Afrika, ngikholelwa ukuthi kunogibe kuphela lwentuthuko ephelelwe yisikhathi.”
Khonamanjalo, ibhizinisi phakathi kweChina neNingizimu Afrika libukeka lizokhula. Umbukiso wemisebenzi wangowezi-2024 waseNingizimu Afrika-China wenze izinkampani zabatshalizimali baseChina ezingaphezu kwama-60 ezisebenza eNingizimu Afrika, zibambe iqhaza.