Isiphakamiso sokubeka abampofu eqhulwini
Inhlangano elwela amalungelo abantu, iBlack Sash, inxuse uNgqongqoshe Wezokuthuthukiswa Komphakathi, uSisisi Tolashe, ukuthi abeke eqhulwini abhekane nezinselelo eziqhubekayo ezibhekene nabampofu eNingizimu Afrika.
Le nhlangano ithi nakuba kusesekuseni kakhulu ukuthi iphawule ngokuthi yenelisekile yini ngokuqokwa kukaTolashe, ithe kumele kube nokuxoxisana njalo ukuqinisekisa ukuthi amazinga angamukelekile obubha nokungalingani kuyehla. Bangaphezu kwezigidi ezingama-26 abantu baseNingizimu Afrika abathembele ezibonelelweni zikaKulumeni.
Okhulumela iBlack Sash uHoodah Abrahams-Fayker uthe uMnyango kumele uqinisekise ukuthi izidingongqangi zabampofu ziyahlangatshezwa.
“Sibheke ngabomvu ukwethula inhlangano yethu kuNgqongqoshe futhi sithemba ukuthi sizoqhubeka nokuxoxisana ukuze kubhekwane nomzabalazo wabahlomuli abaphonselwe inselelo ngempela yokuthola inani eliphelele lemali yezibonelelo zabo uma kubhekwa izinkinga ngoSASSA, iPostbank Partnership.”