Now Reading
Amaqembu aseyayiguda iKwaZulu-Natal ngokunxenxa amavoti
Dark Light

Amaqembu aseyayiguda iKwaZulu-Natal ngokunxenxa amavoti

Amaqembu ezepolitiki asaqhubeka ngokuhambela izindawo zaseThekwini, ngenhloso yokuqhuba umkhankaso wokunxenxa amavoti njengoba sekubalwa izinsukwana ngaphambi kokhetho lukazwelonke.

Namuhla amalunga e-Economic Freedom Fighters (EFF) agcwale iTheku nalapho ebesuka eBotha Park kuMarket Street emasha elibangise eCity Hall. UNobhala Jikelele waleli qembu uMnu uMarshall Dlamini ezothula khona umyalezo ewubhekise kubalandeli. 

Njengoba amaqembu cishe wonke imikhankaso yayo iyiqhuba kangaka esifundazweni iKwaZulu-Natal ingoba singesesibili ukuba nabantu ababhalisele ukuvota ilandela iGauteng.

Inkatha Freedom Party (IFP) yona ibigqishe eSiyanda, KwaMashu lapho khona ibihambela imizi nemizi inxenxa amavoti nalapho ibiholwa khona ilowo ogaqele isikhundla sikaNdunankulu waKwaZulu-Natal uMnu uThamisanqa Ntuli. 

Bayibovulile eyakwaMavundla

Kuzo ezithinta ezepolitiki kuso isifundazwe iKwaZulu-Natal, kuvele izindaba ezithi umbimbi lweqembu elibusayo i-African National Congress (ANC) ne-IFP lokuketula uMnu uPhilani Godfrey Mavundla luphumelele.

See Also

Lolu daba belungene enkantolo izolo njengoba i-ANC ne-IFP bebekhala ngokuthi uMnu uMavundla obuye abe nguMengameli we-Abantu Batho Congress (ABC) akawuphethe ngendlela uMasipala.

Akaphumanga yedwa kodwa uchithwe kanye nobenguSomlomo woMkhandlu, uMnz uMfundo Masondo. Kube sekumenyezelwa uMnu uGabriel Mavundla we-IFP njengeMeya entsha, nozosebenzisana noyilunga le-ANC kulobu buholi.

Scroll To Top