Abalawula ulwazi bakhiphe umhlahlandlela wokukhankasa
I-Information Regulator yethule umhlahlandlela ukuze iqondise ukuthi amaqembu ezombusazwe kanye nabantu abazimele ukuthi balusebenzisa kanjani ulwazi lomuntu siqu lwabavoti ngezinjongo zokukhankasa ngaphambi kokhetho.
Lo mhlahlandlela uyisibuyekezo salowo owakhishwa ngaphambi kokhetho loHulumeni Basekhaya lwangowezi-2019.
Esitatimendeni, le nhlangano ezimele ithe lesi sibuyekezo silandela izinguquko zakamuva emthethweni wokhetho ezivumela abangenele ukhetho abazimele ukuthi bangenele ukhetho futhi bakhankasele ukhetho, ukwanda kwezimo zokuvikeleka kulwazi lomuntu siqu kanye nezingozi ezikhulayo zenqubo yokuvota ngenxa yemininingwane engamanga nokungahloniphi.
Le nhlangano ithe ufuna ukuqinisekisa ukuthi womabili amaqembu ezepolitiki, abangenele ukhetho abazimele kanye nomphakathi baziswe ngokugcwele futhi banikwe amandla ukuthi bathathe izinyathelo ezifanele zokuvikela imininingwane yomuntu siqu yabavoti ngesikhathi sokhetho.
Lo mhlahlandlela phakathi kokunye okuqukethwe kuwo uyakwenqabela ukuhlinzekwa kolwazi lomuntu siqu oluqoqwe ngezinjongo zokukhankasa ukuba zinikwe izinkampani ngaphandle kwemvume yomvoti.