I-UDM

Isikhongeli seqembu eliphikisayo i-United Democratic Movement (UDM) esethulwe mhla zingama-2 kuNdasa wezi-2024.

Ubugebengu nenkohlakalo

• Kuzokwakhiwa izinkantolo zenkohlakalo ezikhethekile;
• Kuzovezwa amagama nohlu lwabaphehli benkohlakalo ezinkampanini ezizimele nezikaHulumeni;
• Ukwakha uhlelo lokuziphatha kwezakhamuzi;
• Ukuthuthukisa ukuxhumana kuyo yonke iminyango yezobulungiswa okungamaphoyisa, ezamajele, ezokuvikela nezobunhloli kuzwelonke;
• Kuzogxilwa “ekucekeleni phansi” izinhlangano zobugebengu ngokubhidliza isisekelo sazo samandla;
• Ukunikeza izinsiza ezanele kubaqaphi bemiphakathi;
• Umbutho uzoba ingxenye yokubhekana nezibhelu;
• Kuzovinjelwa umkhuba wokuthwalwa, noma ukushadisa abantu ngenkani.

Umnotho

• Ngeke kuxhaswe ukusebenza kukaHulumeni ngezikweleti;
• Kuzogcinwa ukuzinza nokubikezela kwezomnotho;
• Kuzosetshenziswa iPublic Investment Corporation kanye ne-Industrial Development Corporation ukuze kuthuthukiswe ukukhula, hhayi ukwakhiwa kwengcebo yabantu abathile kanye nenkohlakalo;
• Ukwesekwa koHulumeni Basekhaya, kwabadayisi abancane nabasemigwaqeni;
• Kuzokhuthazwa ubudlelwano phakathi kwabantu bendawo kanye nabafuduki ekudluliseleni amakhono kumasaluni nasezindaweni zokugunda izinwele.

Ezemfundo

• Ukubuyisela abahloli bezikole, kuvulwe kabusha amakolishi okuqeqesha, kuvulwe kabusha amakolishi othisha nabahlengikazi;
• Kuzosekelwa imfundo ephakeme yamahhala.

Ezokubusa

• Ukubuyisela amandla ezikhulwini ezibheka osopolitiki ukuze osopolitiki bangawaqhwagi lawomandla;
• Kuzoncishiswa ukuthembela kubeluleki;
• Kuzobuyekezwa ukukhushulwa ezikhundleni kwezisebenzi zikaHulumeni kanye namaholo;
• Wonke umnyango uzokalwa ngamunye ngezinsizakalo ozilethile kanye nomehluko owenziwe ngokwezinga-ngqo lempilo yothile (kunokuba ngemibhalo yamasu);
• Kuzoqalwa umkhankaso kazwelonke wokweseka abantu bofuzo ukuze kuqedwe ukucwaswa kanye nokuhlukunyezwa kwabo.

Ezempilo

• Kuzogxilwa kwingqalasizinda yokunakekelwa kwezempilo kanye nesimo esingesihle semitholampilo;
• Kuzokwamukelwa ngokomthetho ukwelapha kwendabuko kanye nabelaphi;
• Kuzogxilwa ekubhekaneni nokwanda kokusetshenziswa kwezidakamizwa ezweni.

Imisebenzi

• Uhlelo olukhulu lwe-Marshall lomnotho ngokuqashwa komphakathi nemisebenzi yomphakathi, olugxile ekukhiqizeni izindwangu nensimbi.

Umhlaba

• Kuzohlongozwa umhlangano (INDABA) wezomnotho (ogxile kwezomhlaba), (ayihambisani “nokudliwa komhlaba wonke mahhala kanye nokukhishwa kwabantu ezindaweni zabo”);
• Lo mhlangano kufanele unqume ukuthi ngubani ozothinteka nokuthi kanjani; yini ezoba nomthelela ekuqinisekiseni kokutholakala kokudla kanye nokuzinza komnotho; izinketho zokufudukela emadolobheni ngokushesha; imithelela yokuthengiswa komhlaba emadolobheni kubantu bakwamanye amazwe; indlela yokusheshisa ukudluliswa kwamatayitela.

Ukucima kukagesi

• Uguquko olungaphuthumi oluya kwamandla avuselelekayo olulingana nezidingo zabasebenzi kanye nentuthuko yeNingizimu Afrika;
• Lawula kangcono u-Eskom ngokuthengisa ama-49% wezabelo zayo kuchwepheshe bezinkampani ezizimele ngendlela yobambiswano phakathi kukaHulumeni nezinkampani ezizimele.

ABaholi Bomdabu

• Kuzoqiniswa izindlela zokukhulisa inhlonipho negunya kuBaholi Bomdabu.