Now Reading
Ukudlala e-Afrika kusifundise lukhulu: Seema
Dark Light

Ukudlala e-Afrika kusifundise lukhulu: Seema

Umqeqeshi weSekhukhune United uLehlohonolo Seema, uthi okwenzekile emdlalweni odlule kuyinto esidlule njengoba sebebheke emdlalweni olandelayo.

Ngeledlule iSekhukhune United iguqise i-Orlando Pirates koweDStv Premiership ePeter Mokaba Stadium ngamagoli amabili kwelilodwa. Amagoli ayo avalelwe phakathi uVusumuzi Mncube noLinda Mtambo elePirates lona leza noTshegofatso Mabasa. 

“Ukunqoba kwethu ngempelasontp edlule akumele kuhlale kakhulu emqondweni, lowo mdlalo sesikhohliwe iwona. Okusemakhanda ethu olandelayo, ngoba sithatha umdlalo owodwa ngesikhathi” kusho uSeema. 

Umdlalo olandelayo iBa Bina Noko (Sekhukhune United) izotholana phezulu neCape Town City koweDStv Premiership lo mdlalo uzobanjelwa ePeter Mokaba Stadium.

“Kumele sibancome abadlali bethu ngendlela abazimisela ngayo, ngabe asibenzi ubulungiswa. Ukudlala kwethu emdlalweni yase-Afrika kusifundise lukhulu,” kubeka uSeema. 

See Also

IBa Bina Noko ihlezi endaweni yesithathu kulogi ngamaphuzu angama-33 emva kwemidlalo engama-20. ICape Town City ezodlala nayo yona inamaphuzu angama-31 emidlalweni engama-21. 

Kweminye imidlalo namuhla iMamelodi Sundowns izobhekana neRichards Bay FC, AmaZulu FC adlale nePolokwane City kuthi iKaizer Chiefs itholane phezulu neStellenbosch FC.

Scroll To Top