INkantolo Enkulu isichithile isimangalo se-ANC sokubhaliswa kweMK kwezokhetho
Isinqumo seNkantolo Enkulu eGoli sokuchitha isicelo se-ANC sokuchitha ukubhaliswa koMkhonto Wesizwe njengeqembu lezepolitiki kufane nokunqoba ihlandla lokuqala endleleni ebheke okhethweni kwaleli qembu eliholwa uMnu uJacob Zuma.
Ekhipha isinqumo uMehluleli uLebohang Modiba uthe isinqumo siyachithwa ngaphandle komyalelo wezindleko. UKhongolose ufake iKhomishini Ezimele Yezokhetho eNkantolo Yokhetho kulandela ukukhononda ngokukhalisa kweMK njengeqembu lezepolitiki. Uma kuya ngokwezethulo kuleli cala, kucace zisuka ukuthi i-ANC ikhala ngaphansi emaphuzwini amqoka obekubangiswana ngawo.
Ephuzwini lamandla eSekela Lesikhulu Esiphezulu seKhomishini uMnu uMawethu Mosery okunguye owabhalisa iMK, iNkantolo inqume ukuthi akukho lapho aphula khona umthetho okanye wasebenzisa amandla angale kwawakhe kodwa konke wakwenza ngokulandela umthetho.
I-ANC ibimi kwelokuthi iSekela kwakungamele libhalise iMK ngesicelo esabe sesichibiyelwe ngoba isicelo sokuqala sase sichithiwe. INkantolo ithe akhona namanye amaqembu alandela lolu hlelo abhaliswa ngakho okwenzeka kwakusemthethweni. INkantolo ithe i-ANC yehluleka ukuveza izizathu ezinqala ngokuthi kungani yathatha isikhathi eside ukufaka isicelo nesimangalo sokuphikisa ukubhaliswa kweMK. ElaboHlanga lizokunika umbiko ogcwele ngesinqumo seNkantolo.
