UKhabazela kuTeam of Choice

UMaphumulo uyintatheli yezemidlalo.

UMfanafuthi Mkhize kuvela ukuthi uzama inhlanhla eqenjini eligijima kuMotsepe Foundation Championship iMaritzburg United.

Lo mdlali odlala emumva usanda kuhlukana na-AmaZulu FC angakaze edlale nowodwa umdlalo kuwona. Ujoyine Usuthu ephuma kuThongathi FC.

Uma kungukuthi ugcina ngokusayina kulindeleke ukuthi asize iMaritzburg United iqede isizini isendaweni engcono. Kuyimanje iTeam of Choice (iMaritzburg United), emva kwemidlalo eli-17 isikwaze ukuqoqa amaphuzu angama-20 ihlezi endaweni ye-11.

Uzophinde asebenzisane noSimo Dladla akade esebenza naye kuThongathi FC.

Abanye abadlali abahambe abahlukane behambisana noMkhize kubalwa uMxolisi Kunene, uSiphesihle Maduna noMswati Mavuso udaba lakhe olusakhulunywa kuze kube imanje.

IMaritzburg United namuhla ntambama izotholana phezulu neCasric Stars, lo mdlalo uzoqala ngele-15:30.

Umdlali osanda kusayina naleli qembu uNkanyiso Madonsela obedlala kwiSekhikhune United.

Imidlalo yeMotsepe Foundation Championship namuhla ihlelwe kanje:

Iphuzu ababuye nalo ePitoli koweligi liyamxolisa umqeqshi wePirates

IJDR Stars neMagesi eGiant Stadium

I-Orbit College neMilford e-Olympia Park Stadium

I-Upington City neHungry Lions eMxolisi Dicky Jacobs Stadium

*Yonke le midlalo iqala ngele-15:30 ntambama.