Ushiye umnewabo eya koqeqesha iBlack Leopards uPapi
Uqale namahlanje ngoLwesihlanu ukusebenza njengomqeqeshi omusha weBlack Leopards uPapi “Ginger” Zothwane.
UZothwane ujoyina iBlack Leopards nje ubeqeqesha iDlangezwa Hellenic okuyiqembu eligijima kuSAFA ABC Motsepe League esifundazweni. Kuleli qembu uqale ukusebenza ngoMfumfu nyakenye.
“UZothwane uhambe ngoLwesithathu, ushiye ehambe kahle kungekho okonakele. Izibusiso uzitholile kumphathi weqembu, Ubengeke amvimbele uma ethola amadlelo aluhlaza” kusho umthombo.
Akukhona okokuqala uZothwane ethola ithuba lokuqeqesha kuMotsepe Foundation Championship, phambilini uke waqeqesha uThongathi FC oladayisela iMilford FC igunya lokudlala kule ligi ngasekuqaleni kwesizini.
Phambili kuke kwavela ukuthi iBlack Leopards ifuna u-Asanda Mvalo obeqeqesha iMilford FC.
IBlack Leopards kulogi ihlezi endaweni yesi-9 emveni kwemidlalo eli-13 inamaphuzu angama-23.
Njengoba ibuya imidlalo yeligi iLidoda Duvha (iBlack Leopards), izotholana phezulu nePretoria Callies. Lo mdlalo uzokuba mhla zili-14 eThoyandou Stadium.
UZothwane ushiye iDlangezwe Hellenic isendaweni yesithathu ekugcineni kuqoqo A.
IDlangezwe Hellenic izosala iqeqeshwa uNhlanhla Zothwane ongumfowabo ngokubambisana noMafa “Wele” Zuma onesipiliyoni ekuqeqesheni kulesi sigaba.
