I-Algeria kumele izisole yona ngokunganqobi

UMaphumulo uyintatheli yezemidlalo.

Ompetha be-African Cup of Nations (Afcon) bangowezi-2019 i-Algeria, fuze ingabe bawakhalelile amathuba abawayeke ngesithombe sokuqala.

I-Algeria izolo kusihlwa ibhekene ne-Angola, iyeke inqwaba yabamathuba esiwombeni sokuqala elinye lalawo mathuba uBagdad Bounedja ulisebenzisile kwazise kube igoli.

UBounedja ulitholile elinye ithuba eshaya igoli elikhulu, uthe esajabula wathi unompempe cha ulishaye ungasekho endaweni ekufanele (offside).

Amanye amathuba amaningi awangenanga, i-Algeria ibinethemba lokuthi vele nakanjani izogcina iwunqobile umdlalo ngiba ibizibona ingaphezulu ngokomdlalo.

Umqeqeshi we-Angola kubukeka kukhona afike wakutshela abadlali bakhe njengoba esiwombeni sesibili ibuye isinokukhulu ukuzithemba. Okuwubufakazi balokho ibingasalipakile ibhasi, ebelenza i-Algeria esiwombeni sokuqala ilokhu ihlaselile.

Ngomzuzu wama-68 unompempe ubeke iphenathi uMabululu wase-Angola wayivalela phakathi.

Umdlalo ugcine uphele zibambeni ngegoli elilodwa nhlangothi zombili.

Akuqondakali ukuthi uzophelelaphi uPatosi

I-Algeria ukudlala kwayo ngokulingana akuthusanga kakhulu njengoba ekhona amanye amazwe obekubhelwe ukuthi aqale kahle kodwa kwawabhedela.

Lawo mazwe iNigeria, i-Egypt neCameroon adlale ngokulingana kwaba iGhana yona ethole induku kwiCape Verde.

Imidlalo yanamuhla ihlelwe kanje:

Burkina Faso vs Mauritania ngele-16:00
Tunisia vs Namibia ngele-19:00
Mali vs iNingizimu Afrika ngele-22:00