Ingqabakutholwa kubadlali abagavamile ukudlala
Izinsephe eziningi zamaProteas ziphunyuziwe emidlalweni yosuku olulodwa. Elakuleli lizobhekana neqembu lesizwe laseNdiya emidlalweni emithathu yeT20, emithathu yosuku olulodwa nemibili yama-test.
Phakathi kwezibabuli ezinikwe ikhefu kukhona uTemba Bavuma, Quinton De Kock, noKagiso Rabada abangeke babonakale kweyosuku olulodwa.
UMarco Jansen noLungi Ngidi bazodlala imidlalo yeT20 kuphela bese beyaphunyuzwa kweyosuku olulodwa.
Ngakolunye uhlangothi uDe Kock osedlala imidlalo yeT20 kuphela uphansi phezulu kumaligi ahlukene ugaya imali.
Njengamanje ukuBig Bash okuyiligi enemali yase-Australia. Intatheli yelabo Hlanga uZipho Singela isibhekela abadlali abasethubeni lokuzakhela igama kumaProteas. ElaseNdiya nalo liphumize uRohit Sharma noVirat Kohli kweyosuku olulodwa.
Matthew Breetzke:
UBreetzke usefomini enhle kakhulu ngebhethi. Usanda kushaya amakhulu amabili emdlalweni owodwa edlala ikhilikithi yamaqembu. Phakathi nonyaka wenze kahle elakuleli libhekene neSri Lanka A. UBreetzke uyadlondlobala njengomdlali. Ukungabikhona kwabadlali abafana noRile Rossouw, Temba Bavuma, noQuinton De Kock kuzonika uBreetzke ingqayizivele yethuba lokuziveza.
Nandre Burger:
Wenze ezibukwayo ku-One Day Cup lapho eqede khona njengomshwibi ohamba phambili ngamawikhethi. Uthathe amawikhethi ayishumi nane emidlalweni eyisikhombisa. Kubhekwe ukuthi athole ithuba elakuleli uma selibhekene neNdiya. UBurger udle ngokushwiba amabhola ahamba ngesivinini. Ukuphunyuzwa kwabadlali abafana noRadaba noJansen noNgidi abazodlala imidlalo emibili kuzovulela uBurger ithuba lokuzibonakalisa.
Mihlali Phongwana:
UPhongwana ubambe elikhulu iqhaza ngesikhathi iWestern Province idla isicoco se-One Day Cup. Kowamanqamu ushaye ikhulu ezakhe zagcina zingompetha. Akagcini nje ngokushaya ama-run kodwa uyakwazi ukuthatha namawikhethi. INingizimu Afrika ayikaze isivale isikhala sikaJacques Kallis owayekwazi ukubhetha aphinde ashwibe. UPhongwana usethubeni lokulandela ezinyathelweni zikaKallis uma engagcina umgqigqo wakhe omuhle. Okuphinde kuhlabe umxhwele ngaye wukuthi akayisabi ingcindezi.
Isikwati seT20I:
Aiden Markram (ukaputeni), Ottniel Baartman, Matthew Breetzke, Nandre Burger, Gerald Coetzee, Donovan Ferreira, Reeza Hendricks, Marco Jansen, Heinrich Klaasen, Keshav Maharaj, David Miller, Lungi Ngidi, Andile Phehlukwayo, Tabraiz Shamsi, Tristan Stubbs, noLizaad Williams.
Imidlalo yeT20:
NgeSonto ngo-4 eHollywoodbets Kingsmead Cricket Stadium:
Proteas v India
NgoLwesibili ngo-5 eSt George’s Park, eGqeberha:
Proteas v India
NgoLwesine ngo-5 eWanderers Stadium, eGoli:
Proteas v India
Isikwati semidlalo yosuku olulodwa:
Aiden Markram (ukaputeni), Ottniel Baartman, Nandre Burger, Tony de Zorzi, Reeza Hendricks, Heinrich Klaasen, Keshav Maharaj, Mihlali Mpongwana, David Miller, Wiaan Mulder, Andile Phehlukwayo, Tabraiz Shamsi, Rassie van der Dussen, Kyle Verreynne, noLizaad Williams.
Imidlalo yosuku olulodwa:
Mhla ziyishumi nesikhombisa kuZibandlela ngo-10 ekuseni eWanderers Stadium:
Proteas v India
Mhla ziyishumi nesishiyagalolunye kuZibandlela ngo-1 emini eSt George’s Park:
Proteas v India
Mhla zingamashumi amabili nanye kuZibandlela eBoland Park ngo-1 emini:
Proteas v India
Isikwati semidlalo yama-Test:
Temba Bavuma (ukaputeni), David Bedingham, Nandre Burger, Gerald Coetzee, Tony de Zorzi, Dean Elgar, Marco Jansen, Keshav Maharaj, Aiden Markram, Wiaan Mulder, Lungi Ngidi, Keegan Petersen, Kagiso Rabada, Tristan Stubbs noKyle Verreynne.
Imidlalo yama-Test:
Mhla zingamashumi amabili nesithupha kuZibandlela eSuperSport Park, ePitoli:
Proteas v India
Mhla zintathu kuMasingana eNewlands Cricket Ground, eKapa:
Proteas v India
