INumsa inqobe umzuliswano omqoka wamaholo



UMtaka ungumbhali wezindaba zamazwe neMeneja kwi-Igunundu Agency.

INational Union of Metalworkers of South Africa (NUMSA) isayine isivumelwano samaholo ne-ArcelorMittal South Africa (AMSA).
Lesi sivumelwano ngeseminyaka emithathu, kusukela mhla lu-1 kuMbasa kuya kuNdasa zingama31 kowezi-2026. Bonke abasebenzi abaqashwe ngokugcwele eNewcastle, eVanderbijlpark, eVereeniging, ePitoli, eThekwini, eRichards Bay naseSaldanha babophezelekile kulesi sivumelwano esizohlehliselwa umhla lu-1 kuMbasa – okusho ukuthi abasebenzi bazophinde bathole inkokhelo kusuka lesosikhathi.
Okhulumela iNumsa uNks uPhakamile Hlubi-Majola uthe, “Siyakwamukela ukusayinwa kwalesi sivumelwano ikakhulukazi ngoba besesisondela esitelekeni. Nokho, sikwazile ukutholana, futhi lokhu kube semqoka kakhulu ekuxazululeni lolu chungechunge
lwezingxoxo zamaholo. Sifuna ukubonga ithimba lezingxoxo eliholwa ngunobhala wesifunda u-comrade Kabelo Ramokhathali ngokusebenza kanzima.” Isivumelwano samaholo sonyaka wokuqala sihlukaniswe kanje:
- Ukwenyuka ngo-5% ngonyaka wokuqala; 6.5% ngonyaka wesibili; futhi ngonyaka wesithathu ukunyuka kuzoba yi-CPI kodwa kufinyelele ku-6.5%
- Ibhonasi yokusayina ewukheshi ezotholakala kanye nje engu-R10 000.
- Uxhaso lwe-Medical aid luzokhuphuka ngo-6.5% ngonyaka wokuqala; ngonyaka wesibili izokwenyuka nge-CPI kodwa ifinyelele ku-6.5%; ngonyaka wesithathu izokwenyuka nge-CPI kodwa ifinyelele ku-6.5%.
- Umnikelo wenkampani we-medical aid uzohlala ku-60% kumqashi bese u-40% kubasebenzi unyaka wokuqala; onyakeni wesibili umnikelo we-medical aid uzokwenyuka ufike ku-65% kanti umnikelo wabasebenzi uzokwehla ufike ku-35% kuncike esibalweni se-medical subsidy. Kanti ngonyaka wesithathu izonyuka ifinyelele ku-70% kodwa umnikelo womqashi uzokwehla ube ngu-30% kuncike kwi-cap ye-medical aid subsidy.
- Zonke izibonelelo zizokwenyuka ngo-6.5%; onyakeni wesibili zonke izibonelelo zizokwenyuka nge-CPI kodwa zifinyelele ku-6.5% kanti ngonyaka wesithathu, zonke izibonelelo zizokhuphuka ngo-6.5%.
- Inzuzo yomzali izokhuphuka isuka ezinsukwini eziyi-10 iye kweziyi-12
- Inzuzo yomngcwabo izonyuka isuka ku-R10 000 iye ku-R20 000 onyakeni wokuqala wesivumelwano.