Amava kaMampimpi enze wakhuza ibuya kumaBhokobhoko
AmaBhokobhoko enze izinguquko ezili-10 eqenjini eliqale umdlalo ngeledlule, ngesikhathi elakuleli kade libhaxabula i-Australia eLoftus Versfeld, ePitoli. Elakuleli libhekene neWallabies linqobe ngamaphuzu angama-43 ali-12.
Kolandelayo lizotholana phezulu neNew Zealand koweRugby Championship, lo mdlalo uzobanjelwa e-Auckland ngoMgqibelo. Umqeqeshi wamaBhokobhoko uJacques Nienaber, uqoke u-Eben Etzebeth njengokapteni. U-Etzebeth odlala njenge-Lock uthathe ibhande kuDuane Vermeulen okunguye ebongukaputeni ngeledlule.
Kwezinye izinguquko ezenziwe uNienaber, ubuyise uMakazole Mampimpi, uSteven Kitshoff, uFaf du Klerk, uJasper Wiese, uFranco Mostert, uKwagga Smith, uDamian de Allende, uCheslin Kolbe noLood de Jager.
“Sihlele ukuqoka isikwati esinabadlali abajwayele ukudlala nabadlala khona e-England. Kulesi sikwati sifake nedlanzana labadlali abaqale umdlalo wethu ne-Australia. U-Etzebeth usebenze kanzima ukulama, ungumdlali onamava usedlalele amaBhokobhoko imidlalo eli-110. Phambilini uke walihola iqembu lesizwe” kusho uNienaber. Lo mqeqeshi uthe kuzoba umdlalo omnandi kakhulu lona, abadlali abangajwayele bazofunda lukhulu kuwona.
Iqembu lamaBhokobhoko elizoqala umdlalo:
15-Willie le Roux, 14-Cheslin Kolbe, 13-Lukhanyo Am, 12-Damian de Allende, 11-Makazole Mapimpi, 10-Damian Willemse, 9-Faf de Klerk, 8-Jasper Wiese, 7-Franco Mostert , 6-Kwagga Smith, 5-Lood de Jager, 4-Eben Etzebeth (ukapteni), 3-Frans Malherbe, 2-Bongi Mbonambi, 1-Steven Kitshoff.
Abazoqala ebhentshini: 16-Malcolm Marx, 17-Thomas du Toit, 18-Vincent Koch, 19-RG Snyman, 20-Pieter-Steph du Toit, 21-Duane Vermeulen, 22-Grant Williams, 23-Manie Libbok