Kuntwela ezansi ngokuvuleka kwamathuba emiphakathini eyakhele izimayini
Inhlangano ejutshwe ukuvuselela amakhono ababengabasebenzi basezimayini, abantu abavela ezindaweni ezivukuzayo nabathumela abasebenzi, yethule i-Agri-Hub eMarikana ngaseRustenburg eNorth West, ngokubambisana neSibanye Stillwater, esebenzela kule ndawo.
Inhloso yalolu hlelo ukuqhubekisela phambili intuthuko yenhlalo nomnotho endaweni ngokusebenzisa ezolimo. Igunya le-Ejensi Yokuthuthukisa Abasebenzi basezimayini ukuheha imiphakathi ukuthi ingene kweminye imikhakha, kunokugxila kwezezimayini kuphela.
Isikhulu esiphezulu seMineworkers Development Agency, uTshimane Montoedi uyachaza, “Maningi amaphrojekthi esinawo, kodwa le ndlela noma ubudlelwano ingeyokuqala yalolu hlobo. Umbono wethu uwukuqinisekisa ukuthi siyaluphindaphinda lolu hlelo nakweminye imiphakathi yezimayini kwezinye izifundazwe. kodwa kimina ngeke kube nzima ngoba sinabantu abaningi abazimisele ukuza ephathini. Kodwa mayelana nenkampani yezimayini, sifuna ukuzuza kuhlelo lwabasebenzi bezenhlalakahle kanye nomqulu wezimayini.”
UNgqongqoshe Wezokumbiwa phansi, uGwede Mantashe ukwamukele ukuthulwa kwalomsebenzi. “Izinkampani zezimayini seziqala ukubona ukubaluleka kokukhokha amalayisensi emphakathini lapho zimba khona. Ngakho izodala amathuba emisebenzi, izodala ukudla, izodala injabulo emindenini eminingi, kodwa ngeke ithathe wonke umuntu. Kufanele senze okwengeziwe futhi sijabule kakhulu ukuthi yethuliwe,” kuphetha uNgqongqoshe.